سیما حیدر بھی تیاری پکڑ لیں۔۔ بھارت میں موجود پاکستانیوں کو 48 گھنٹے میں ملک چھوڑنے کی ہدایت پر نئے سوال کھڑے ہوگئے

Seema Haider Under Deportation Fear After Pahalgam Attack

جموں و کشمیر کے خوبصورت سیاحتی مقام پہلگام میں حالیہ دہشت گرد حملے نے نہ صرف سیاسی فضا کو کشیدہ کیا، بلکہ سرحد پار سے تعلقات کی نوعیت بھی بدل کر رکھ دی ہے۔ اس واقعے کے بعد بھارت نے سارک ویزا اسکیم کے تحت موجود پاکستانی شہریوں پر قیام کی پابندی لگا دی ہے، اور اس فیصلے کی بازگشت اب سیما حیدر کے معاملے تک پہنچ گئی ہے۔

سیما حیدر، جو سوشل میڈیا کے ذریعے پیدا ہونے والی محبت کے پیچھے سرحد پار کر کے نیپال کے راستے غیر قانونی طور پر بھارت داخل ہوئیں، اب ایک بار پھر خبروں کی زینت بن گئی ہیں۔ ان کی شادی بھارتی شہری سے ہو چکی ہے اور ان کا ایک بچہ بھی ہے، مگر اس سب کے باوجود ان کا قیام اب غیر یقینی نظر آ رہا ہے۔

دہلی ہائی کورٹ کے وکیل ابوبکر سبک کے مطابق، مرکزی حکومت کی حالیہ پالیسی کے تحت تمام پاکستانی شہریوں کو 48 گھنٹوں میں بھارت چھوڑنے کی ہدایت دی گئی ہے، اور اگر ریاستی حکومت (اتر پردیش) اس پالیسی کو نافذ کرتی ہے تو سیما کو بھی اس کے اثرات جھیلنے پڑ سکتے ہیں۔

انہوں نے واضح کیا کہ سیما کا کیس نہایت پیچیدہ ہے کیونکہ وہ کسی ویزا یا قانونی اجازت نامے کے بغیر بھارت میں داخل ہوئیں۔ ان کی شہریت، قانونی حیثیت اور مستقبل کا فیصلہ اب ریاستی حکومت کی رپورٹس اور مرکزی پالیسی کے نفاذ پر منحصر ہے۔

اب سوال یہ ہے، کیا محبت سرحدوں کو مٹا سکتی ہے؟ یا قانون کی دیوار کے آگے ہر رشتہ بے بس ہے؟