جوتوں سے مارا اور پھر جلتی ہوئی سگریٹ ۔۔ علیزے شاہ پر کس ساتھی اداکارہ نے تشدد کرنے کا الزام لگایا؟ درخواست دائر

علیزے شاہ جو پاکستانی شوبز انڈسٹری کی معروف اداکارہ ہیں پر ساتھی اداکارہ کی جانب سے دھمکیاں دینے اور تشدد کرنے پر قانونی کارروائی کی درخواست دائر کی گئی ہے۔

تفصیلات کے مطابق، علیزے کیخلاف یہ رپورٹ اداکارہ منسا ملک نے درج کروائی ہے۔ انہوں نے اسلام آباد کے ویمن پولیس اسٹیشن میں دائر درخواست میں بتایا کہ، 15 اگست کو ڈرامے کی شوٹنگ کے دوران علیزے شاہ نے ان کے اوپر جلتا ہوا سگریٹ پھینکا اور سنگین نتائج کی دھمکیاں بھی دیں۔

اداکارہ نے درخواست میں موقف اختیار کیا کہ علیزے شاہ نے مجھے جوتوں سے بھی مارا، میں نے بڑی مشکل سے اپنی جان بچائی۔ ساتھ ہی انہوں نے علیزے پر منشیات استعمال کرنے کا بھی الزام عائد کیا ہے۔

ایسا کرنے کی وجہ بتاتے ہوئے منسا ملک نے کہا کہ، علیزے مجھ سے حسد کرتی ہے پیشہ وارانہ طور پر۔

منسا نے درخواست میں یہ بھی درج کروایا کہ، اس سے پہلے بھی ایک پروڈکشن ہاؤس نے علیزے شاہ کے برے رویے کی وجہ سے شوٹنگ روک دی تھی اور ان کیخلاف ایف آئی آر درج کرائی تھی۔

واضح رہے کہ یہ پہلی بار نہیں ہے بلکہ اداکارہ علیزے شاہ ماضی میں بھی مختلف تنازعات کا شکار رہی ہیں۔