2 ماہ پہلے شادی ہوئی، عمرے پر جانا تھا مگر ۔۔ ڈکیتوں کی فائرنگ جاں بحق ہونے والا یہ نوجوان کون ہے؟

ملک بھر میں جرائم کی بڑھتی ہوئی وارداتوں نے عوام کا جینا محال کردیا ہے۔ صبح گھر سے نکلے اور رات کو گھر پہنچ جائیں، اب مائیں یہی دعائیں کرتی ہیں، لیکن کسی کو اگلے لمحے کی خبر نہیں ہوتی۔ کراچی میں کل مرکزی شاہراہ، شاہراہِ فیصل پر ڈکیتوں نے ایک نوجوان نے چھینا جھپٹی کرنے کی کوشش کی مگر نوجوان نے مزاحمت کی تو اس کو گولی مار دی۔

نوجوان عفان احمد کو آج صبح عمرے پر جانے کے لئے نکلنا تھا اور وہ کل صبح اپنے گھر سے دفتر کو روانہ ہو رہا تھا کہ، مگر کسی کو کیا معلوم تھا کہ یہ اس کا سفرِ آخرت ہوگا۔ تفصیلات کے مطابق ان کی 2 ماہ قبل ہی شادی ہوئی تھی۔

جنرل سیکرٹری جماعتِ اسلامی ضلع قائدین و سابق یوسی ناظم ولید احمد کا جواں سال بھتیجہ عفان احمد دفتر سے گھر جاتے ہوئے شاہراہِ فیصل پر عوامی مرکز کے نزدیک ڈکیتی مزاحمت پر دو ڈاکوؤں کی گولیوں کا نشانہ بن گیا۔ مقتول پی اے ایف ہاوسنگ اسکیم شہید ملت روڈ پر رہتے تھے۔ والد کی سائیٹ میں پلاسٹک کی کمپنی ہے ۔

عفان کی نماز جنازہ آج صبح 10 بجے شہیدِ ملت روڈ پر ادا کردی گئی۔ لیکن دن بہ دن بڑھتے ہوئے واقعات نے شہریوں کے دلوں میں خوف پیدا کردیا ہے۔ آخر کب تک کراچی میں امن و سکون کی فضاء ہر اداسی کے ڈیرے چھائے رہیں گے۔