میں نے روزے بھی رکھے اور ساتھ میں ۔۔ خود کو جوان رکھنے کے لیئے 54 سالہ ریشم کیا کرتی ہیں؟ خواتین کو فٹ رہنے کا راز بتا دیا

ریشم ایک بہترین اداکارہ ہونے کے ساتھ ساتھ ایک خوبصورت خاتون بھی ہیں، جنہیں دیکھ کر ایسا لگتا ہے کہ وقت ان پر آ کے رک گیا ہے۔۔ 54 سالہ ریشم آج بھی اپنی عمر سے 10، 15 سال چھوٹی ہی لگتی ہیں، اور کیسے آئیے آپ کو بتاتے ہیں۔

اداکارہ ریشم اپنے فلاحی کاموں کے لیے بھی جانی جاتی ہیں۔ وہ تقریباً تمام مقدس مہینوں میں مستحق لوگوں کے لیے بڑی دعوتوں کا اہتمام کرتی ہے۔ اداکارہ انتہائی فٹ ہیں اور ان کی جلد بے عیب، چمکدار اور جوان لگتی ہے۔ ان کی حیرت انگیز فٹنس ان کے مداحوں کو دنگ کر دیتی ہے۔

حال ہی میں، وہ ایک شو میں مہمان بن کر آئیں، جہاں انہوں نے اپنی فٹنس اور جوانی کے بارے میں بات کی۔

اپنی فٹنس اور چمک کے بارے میں بات کرتے ہوئے ریشم نے کہا کہ، آپ نے سنا ہوگا کہ اچھا انسان کبھی بوڑھا نہیں لگتا، میں نے کبھی کسی کے بارے میں برا نہیں سوچا، میں کسی کو نقصان نہیں پہنچا سکتی، لیکن ہاں، میں نے پچھلے تین سالوں میں 13 کلو وزن کم کیا ہے۔ میں نے اپنا وزن آہستہ آہستہ کم کیا۔

دراصل، میں نے کرونا وائرس کے دوران وقفے وقفے سے روزے رکھنا شروع کر دیے تھے جس کی وجہ سے میرا وزن کم ہو گیا تھا، میں بہت زیادہ کھانا پکاتی تھی، پسینے کی وجہ سے میرے جبڑے نمایاں ہو گئے تھے۔ لہذا، مجھے یہ چیز پسند آئی اور اپنا وزن برقرار رکھا، مجھے اپنی جو لائن (جبڑے کی لکیر) بہت پسند آئی۔ اب میں تین پراٹھے کھا سکتی ہوں کیونکہ روزہ رکھنے اور کھانے کے دوران وقفے کی وجہ سے میرا وزن نہیں بڑھتا۔