سردی اور خشک موسم میں اس تیل کے استعمال سے ملے بالوں کے تمام مسائل کا حل

بالوں کی صحت کا براہ راست تعلق جسمانی صحت پرتو ہوتا ہی ہے لیکن ساتھ ہی یہ بات بھی اہمیت رکھتی ہے کہ آپ اس کی حفاظت کے لیے کیا کچھ کرتے ہیں۔ ہمارے بال پروٹین اور کیراٹین سے بنے ہوتے ہیں جو دھوپ، ماحیولیاتی آلودگی، ڈائی کرنے، اسٹریٹ کرنے کے لیے ہیٹ دینے، کلر کو ہٹانے اور مختلف ٹریٹمنٹس کے ذریعے کئی طرح کے کیمیکل کو برداشت کرتے ہیں جس کے نتیجے میں بال خشک اور بے رونق ہوکر گرنے لگتے ہیں، اوران کی قدرتی نمی اور چمک ماند پڑنے لگتی ہے جبکہ کچھ میں بالوں کا سفید ہونا بھی شامل ہے۔
ان تمام مسائل کے حل کے لیے اکثریت بازارموجود دوسری مصنوعات کا رخ کرتی ہیں جو نہ صرف مہنگی بلکہ کئی طرح کے کیمیکل سے بنی ہوتی ہے جو آپ کے بالوں کو بہتر کرنے کے بجائے مزید بگاڑ کا سبب بنتی ہیں۔ مگران سب کا حل آپ کے کچن میں موجود آلیوآئل ہی میں موجود ہے۔
نیویارک کی مشہورومعروف ہیئراسٹائلسٹ گیبریل کورنی کا کہنا ے کہ بالوں کے لیے آلیوآئل سے بہتر کوئی ٹانک نہیں۔ وہ اپنے سیلوں میں آنے والوں کے لیے ہاٹ آلیو آئل ٹریٹمینٹ کو ترجیح دیتی ہیں، اوربالوں کو نرم رکھنے کے لیے اسے بطور ڈیپ کنڈیشنگ استعمال کرتی ہیں۔
یہاں تک کہ اس کی قلیل مقدارہرروز لگانے سے با لوں کی چمک بڑھانے اورجڑوں کو مضبوط کرنے کے لیے کافی ہے۔ یہی وجہ ہے کہ جلد اور بالوں کے لیے بنائی جانی کئی مصنوعات میں آلیوآئل ایک اہم جز کے طورپراستعمال ہوتا ہے۔
بازار میں آلیو آئل کئی اقسام دستیاب ہیں ان میں پومس آلیوآئل، ورجن آلیوآئل اور ایکسٹراورجن آلیوآئل۔ ان سب میں ایکسٹراورجن آلیوآئل سب سے بہترین مانا جاتا ہے کیونکہ یہ آئل قدرتی درجہ حرارت میں کشید کیا جاتا ہے اور کسی قسم کے کیمیکل کی آمیزش نہیں کی جاتی۔
اسی بنا پر یہ آئل بالوں کے لیے بہترین تصور کیا جاتا ہے۔ ہفتہ میں ایک بار اس کا مساج بالوں کوصحت مند رکھنے کے لیے بے حد مفید ہے۔

By Hina    |    In Tips and Totkay   |    0 Comments    |    727 Views    |    23 Oct 2021

Related Articles

Comments/Ask Question

Read Blog about سردی اور خشک موسم میں اس تیل کے استعمال سے ملے بالوں کے تمام مسائل کا حل and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (سردی اور خشک موسم میں اس تیل کے استعمال سے ملے بالوں کے تمام مسائل کا حل) and how to utilize other natural ingredients to cure diseases, easy recipes, and other information related to food from KFoods.