سانپوں کو دودھ پلاتا تھا، لیکن اسی سانپ نے ڈس لیا ۔۔ گھروں میں سانپ پالنے والا انہی کا شکار کیسے بنا؟

سوشل میڈیا پر حیران کن اور خوفناک معلومات کا انبار موجود ہے، جو کہ سب کی توجہ حاصل کر لیتی ہیں۔ تاہم کچھ اس حد تک دہشت زدہ ہوتی ہیں کہ صارفین بھی سوچنے پر مجبور ہو جاتے ہیں۔
آج آپ کو ایک ایسی ہی خبر کے بارے میں بتائیں گے۔

Snakes are now being unloaded in containers from the Maryland home where a man was found dead last night. @SegravesNBC4 has the latest minutes away on @nbcwashington https://t.co/MbLLdHHnCO https://t.co/qnZaMAgzV4 pic.twitter.com/N9qlg1HCTv

— Tom Lynch (@TomLynch_) January 20, 2022

امریکی ریاست میری لینڈ کے علاقے چارلس کاؤنٹی میں ایک گھر سے لاش برآمد ہوئی، یوں اس طرح گھر سے لاش کا ملنا ہو سکتا ہے کچھ حد تک نارمل بھی ہو مگر لاش کے ساتھ ساتھ 100 سے زائد سانپ بھی موجود تھے۔ 49 سالہ شخص کی لاش پولیس کی جانب سے تحویل میں لی گئی جبکہ اس کے گھر میں موجود سانپوں کو بھی وائلڈ لائف کے حوالے کیا گیا۔

ذرائع کے مطابق پڑوسی اکثر 49 سالہ شخص کو دیکھا کرتا تھا، لیکن موت سے ایک دن پہلے وہ شخص پڑوسی کو دکھائی نہیں دیا جس پر پڑوسی کو حیرت ہوئی، پورا دن نظر نہ آنے پر اگلے روز پڑوسی نے خیریت دریافت کرنے کے لیے دروازہ کھٹکھٹایا، جس پر کوئی جواب نہیں ملا۔

پڑوسی اس وقت دنگ رہ گیا جب وہ شخص گھر میں زمین پر پڑا تھا، اس نے فورا نائن الیون کو کال کی اور معاملے سے آگاہ کیا۔

پولیس کی جانب سے گھر کی تلاشی لی گئی اور گھر میں لاش کے ساتھ ساتھ 120 سے زائد سانپوں کو بھی تحویل میں لیا، جنہیں بعدازاں وائلڈ لائف کے حوالے کیا گیا۔ تحویل میں لیے گئے سانپوں میں کچھ ایسے بھی تھے جو کہ زہریلے تھے۔

یوں اس طرح اچانک شخص کی موت پر سب حیران ہیں، پولیس کی جانب سے معاملے کی تحقیقات شروع کر دی گئی ہیں جبکہ اس طرف بھی غور کیا جا رہا ہے کہ کہیں سانپ کے ڈسنے کی وجہ سے تو موت نہیں ہوئی۔