اخروٹ کے بے شمار فوائد

اخروٹ ڈرائی فروٹ ہر ایک کی پسند ہے چاہے وہ چھوٹا ہو یا بڑا ، آپ ڈرائی فروٹ کھاتے تو لیکن اس کے فوائد کے بارے میں بہت کم جانتے ہوں گے ۔ اس لئے میں نے سوچا کہ آپ کو آج اخروٹ کے فوائد بتائے جائیں گے ۔ اُمید ہے کہ آپ کو یہ معلومات بہت پسند آئیں گی ۔

طبعی لحاظ سے اخروٹ کے فوائد :
ایک تحقیق سے ثابت ہوا ہے کہ ہفتے میں کم از کم چار یا پانچ اخروٹ کھانے والے شوگر کی ٹائپ ٹو کے خطرات سے کافی حد تک محفوظ رہتے ہیں ۔
دوران حمل اس کا استعمال ماں کے بلڈ پریشر کو نارمل سطح پر رکھتا ہے اور اس کے علاوہ پیدا ہونے والے بچے کی آنکھوں اور دماغ کے لئے مفید ہے ۔ کیونکہ اس میں موجود وٹامنز اور اومیگا تھری فیٹی ایسڈ ہوتے ہیں ۔
مغز اخروٹ دمہ ، کھانسی اور گلے کی خراش میں بہت مفید ہوتا ہے ۔
سردیوں کے موسم میں جوڑوں کے درد میں اکثر تکالیف ہوجاتی ہے ۔ اخروٹ کا تیل استعمال کرنے سے جوڑوں کے درد میں کمی واقع ہوجاتی ہے ۔
اخروٹ کا تیل استعمال کرنے سے سر میں جوؤں ور خشکی سے نجات ملتی ہے ۔
اخروٹ کا استعمال فالج اور تشنج میں مفید رہتا ہے ۔
داغ دھبوں کی صورت میں اخروٹ کو پیس کر پانی میں ملا کر ایک پیسٹ بنالیں اور اس کا لیپ داغ پر کریں اس طر حکرنے سے داغ مدہم ہوجاتے ہیں ۔
اخروٹ دل اور دوران خون کے نظام میں بھی فائدہ مند ہے ۔
اخروٹ کھانے سے کولیسٹرول نارمل رہتا ہے جن کا کولیسٹرول ٹھیک نہ رہتا ہو وہ ضرور اخروٹ کا استعمال کریں ۔
اخروٹ کا استعمال پیٹ کی چربی کم کرنے میں بھی مددگار ہے ۔
اس کے علاوہ اخروٹ کینسر کے ممکنہ حملے کو کم کرنے میں مدددیتا ہے ۔ جس میں بڑی آنت کا کینسر ، چھاتی کا کینسر اور پروسٹیٹ کینسر کے خطرے کو کم کرنے میں مدددیتا ہے ۔