خاتون کے اصرار پر سانپ گھر سے باہر نکل گیا، اگر آپ کو یقین نہ آئے تو یہ دنگ کردینے والی ویڈیو دیکھ لیں

کیا آپ ایسا سوچ سکتے ہیں کہ سانپ کو آپ کچھ کہیں اور وہ آپ کی بات مان لے؟ ہر گز نہیں! بلکہ سانپ آپ پر حملہ کرنے کی کوشش کرے گا۔

ہاں البتہ سپیرا ایک وہ شخص ہوتا ہے جو سانپ کو قابو کرسکتا ہے۔ لیکن جو ویڈیو آپ کو دکھانے جا رہے ہیں اس میں نہ تو سپیرے نے سانپ کو قابو کیا اور نہ ہی کسی وائلڈ لائف پرسن نے اسے پکڑا۔

چند ماہ قبل ایک ایسی ویڈیو سوشل میڈیا پر وائرل ہوئی تھی جس میں سانپ ایک گھریلو خاتون کا کہنا مان کر گھر سے باہر نکل جاتا ہے۔

بھارتی ریاست تامل ناڈو کے ضلع کوئمبٹور میں خاتون کی ایک حیران کن ویڈیو وائرل ہو رہی ہے جس میں خاتون نے گھر میں موجود سانپ کو بھگانے کے لیے گفتگو کی اور وہ کسی کو بنا نقصان پہنچاۓ چلا گیا۔

یوں تو سانپ دیکھ کر اچھے اچھوں کے رونگٹے کھڑے ہوجاتے ہیں لیکن خاتون ہمت کے ساتھ سانپ کو بالکل اطمینان کے ساتھ اپنے گھر سے باہر نکال دیتی ہیں۔

ویڈیو میں دیکھا گیا کہ مذکورہ خاتون اپنے گھر میں موجود سانپ کو نکالنے کے لیے چھڑی تھامی ہوئی ہے اور اس سے بات چیت بھی کر رہی ہے۔

خاتون بات چیت کے دوران سانپ کو دودھ پلانے کا بھی وعدہ کرتی ہے۔

ویڈیو میں دیکھا جاسکتا ہے کہ خاتون نے بعد میں گھر کا دروازہ کھولا اور سانپ کسی کو نقصان پہنچائے بغیر گھر سے باہر نکل گیا۔