بال بہت ہلکے اور خراب ہوگئے ہیں کیا کریں؟ پریشان نہ ہوں! استعمال کریں ایلوویرا سے بنا یہ زبردست تیل، جو بالوں کے تمام مسائل حل کرے

بالوں کا گرنا، ٹوٹنا، روکھا پن، خشکی۔۔ یہ سارے وہ مسائل ہیں جو آج کل ہر دوسرے شخص کو درپیش ہیں خواں وہ عورت ہو یا مرد، سب ہی اس سے پریشان ہیں۔ کیونکہ بال انسان کی شخصیت میں اہم کردار ادا کرتے ہیں، اسلیئے ہر کوئی چاہتا ہے کہ اس کے بال خوبصورت ہوں۔

تو آئیے آج آپ کو سکھاتے ہیں اعجاز انصاری کا بتایا ہوا ایلوویرا سے تیل بنانے کا ایسا زبردست نسخہ، جو بالوں کو لمبا، گھنا اور خوبصورت کرنے میں آپ کی مدد کرے گا۔

اجزاء:

۔ ایلویرا کا ایک تازہ پتّا

۔ سرسوں کا تیل 1 سے دیڑھ کپ

۔ روزمیری آئل 1 چمچ (اگر ہو تو)

تیل بنانے کا طریقہ:

۔ ایلوویرا کے چھلکے اتار کر اسکا گودا نکال دیں اور پھر اسے مکسر میں ڈال بلینڈ کر لیں۔

۔ پھر ایک برتن میں سرسوں کا تیل اور بلینڈ کیا ہوا ایلوویرا شامل کر کے ہلکی درمیانی آنچ پر 15 سے 20 منٹ تک پکائیں۔

۔ جب جھاگ ختم ہوجائے اور تیل اپنی اصلی حالت میں آجائے تو چولہا بند کردیں۔

۔ اب تیل کو ٹھنڈا کر کے اس میں روزمیری آئل شامل کر کے مکس کرلیں، پھر ایک بوتل میں بھر کے رکھ دیں۔

۔ اس تیل کو ہفتے میں 2 سے 3 دن لازمی استعمال کریں۔

۔ اس تیل کے استعمال سے انشاءاللّٰہ آپ کے بال لمبے، موٹے، مضبوط اور خوبصورت ہوجائیں گے۔