گھنٹوں بیٹھ کر روتی رہتی ہوں۔۔ صنم جنگ شوہر کے اور بچوں کے باوجود تنہائی کا شکار کیوں ہوگئیں؟

Sanam Jung Apni USA Ki Life Ka Batate Hue

پاکستان کی مقبول اداکارہ اور میزبان صنم جنگ، جنہوں نے اپنی شاندار اداکاری اور مارننگ شوز سے لاکھوں دل جیتے، آج کل دوسری بیٹی کی پیدائش کے بعد اداکاری سے وقفہ لے رہی ہیں۔ مگر دل اب بھی پاکستان کی گلیوں، گھر کے صحن اور اپنے قریبی رشتوں کو یاد کرتا ہے۔

صنم جنگ نے کھل کر بتایا، "یقین کریں، میں پاکستان کی ہر چھوٹی بڑی خوشبو اور رونق کو یاد کرتی ہوں۔ وہاں کے گھر والے، وہ سہارا، وہ ساتھ… جنہیں ہم اکثر معمولی سمجھ کر نظرانداز کر دیتے ہیں، ان کی اصل اہمیت باہر آ کر سمجھ آتی ہے۔ امریکہ میں اکیلی تو نہیں ہوں، دوست بھی ہیں، کزنز بھی، مگر سب آدھے گھنٹے کے فاصلے پر۔ یہاں ماں کے گھر بچوں کو اچانک چھوڑ آنے کا تصور نہیں، ہر کام خود کرنا پڑتا ہے — اسکول پک اینڈ ڈراپ سے لے کر بچے کی دیکھ بھال تک۔"

انہوں نے مزید بتایا، "وِلاگ بنانا میرا علاج بن گیا۔ جب بھی تنہائی کا بوجھ محسوس ہوتا، میں کیمرہ آن کر کے اپنے چاہنے والوں سے بات کرتی۔ شروع کے دن بہت بھاری تھے۔ میں بالکونی میں بیٹھ کر روتی تھی، خاص طور پر شام کے وقت ڈپریشن چھا جاتا۔ اب حالات سنبھل گئے ہیں، دوست بھی بن گئے ہیں۔ میں جانتی تھی کہ امریکہ جانا پڑے گا کیونکہ شوہر کی نوکری وہاں تھی۔ میں چھٹیوں پر گئی، مگر واپسی پر شوہر نے روک لیا کیونکہ وہ اکیلاپن برداشت نہیں کر پا رہے تھے۔ اصل مشکل وقت تو انہوں نے گزارا، میں تو والدین کے ساتھ تھی، مگر وہ سب کچھ تنہا جھیل رہے تھے۔"