نہیں چاہتی ڈھیلے جسم والی پتلی بڈھی بنوں۔۔ اسماء عباس کو ڈاکٹر نے ازیمپک انجیکشن لگوانے کا مشورہ کیوں دیا تھا؟ ویڈیو

Asma Abbas Reveals Why She Refused Ozempic Injection

سینئر اداکارہ اسماء عباس نے حال ہی میں اپنے ایک وی لاگ میں اپنی صحت اور وزن کم کرنے کے حوالے سے کھل کر بات کی، جو شوبز اور فالوورز کے لیے خاصی دلچسپی کا باعث بنی۔

اسماء عباس نے بتایا کہ ان کی ذیابیطس اکثر بڑھتی گھٹتی رہتی ہے، خاص طور پر عمر کے بڑھنے اور صحت کے دیگر مسائل کے پیش نظر۔ حال ہی میں لاہور میں اپنے ڈاکٹر امتیاز حسین سے ملاقات کے دوران انہوں نے کچھ ٹیسٹ کروائے، جن میں معمولی بے ترتیبی دیکھی گئی۔

ڈاکٹر نے اسماء عباس کو 'اوزیمپک' اور 'مونجارو' استعمال کرنے کا مشورہ دیا تاکہ ان کی مستقل بھوک اور ذیابیطس کی وجہ سے بڑھتی ہوئی کیلوریز کو کنٹرول کیا جا سکے۔ تاہم اسماء نے واضح انداز میں ان ادویات کو لینے سے انکار کر دیا۔

انہوں نے کہا، میں صرف روٹی اور پراٹھا پسند کرتی ہوں، جو سب سے زیادہ شکر رکھتے ہیں۔ ڈاکٹر نے مجھے مونجارو تجویز کیا مگر میں نے انکار کر دیا۔ میں نہیں چاہتی کہ میری جلد ڈھیلی ہو جائے، چہرہ لٹک جائے اور گردن پر جُھریاں پڑ جائیں۔ میری عمر ہوگئی ہے لیکن اس طریقے سے میں بہت زیادہ دبلی اور بوڑھی نظر آؤں گی، اور میں یہ نہیں چاہتی۔ میں تو چاہتی ہوں کہ قدرتی انداز میں اور خوبصورتی کے ساتھ عمر گزاروں۔

اسماء عباس نے مزید بتایا کہ انہوں نے فیصلہ کیا ہے کہ وہ وزن کم کرنے کے لیے چہل قدمی اور قدرتی طریقے اپنائیں گی، اور وہ اس سفر کا آغاز کر چکی ہیں۔

یہ وی لاگ نہ صرف صحت کے بارے میں ان کی ایمانداری کو ظاہر کرتا ہے بلکہ قدرتی اور محفوظ وزن کم کرنے کے حق میں ایک مثبت پیغام بھی دیتا ہے۔