سال میں ایک بار بھی سر درد ہو تو یہ خطرناک بیماری ہوسکتی ہے.. نئی تحقیق میں کیا علاج بتایا گیا؟

زیادہ تر لوگ سر کے درد کو معمولی سمجھ کر نظر انداز کریدتے ہیں لیکن حالیہ تحقیق سے یہ حقیقت سامنے آئی یے کہ سر درد ہر گز بھی عام سی بیماری نہیں بلکہ کئی بڑی بیماریوں کی وجہ یا علامت ہوسکتی ہے.

تحقیق کیا کہتی ہے ؟

جنوبی کوریائی ماہرین نے ایک کروڑ افراد پر تحقیق کی جو نیچر میں شائع بھی کی گئی. اس تحقیق کے مطابق جن لوگوں میں سال میں صرف ایک بار مائگرین کا اٹیک ہوتا ہے وہ آنتوں اور معدے سمیت نظام ہاضمہ کی دیگر بیماریوں کے شکار ہوتے ہیں. اتنا ہی نہیں بلکہ مائیگرین سے فالج، بیلز پالسی، مرگی، سلیپ پیرالائز، امراض قلب اور ڈپریشن جیسی بیماریوں کا خطرہ بھی ہوتا ہے.

اب نئی تحقیق میں بتایا گیا ہے کہ مائگرین کے درد میں مبتلا افراد میں آنتوں، معدے، جگر اور پیٹ کی دیگر بیماریاں بڑھ سکتی ہیں۔

مائگرین کیا ہوتا ہے؟

مائگرین یعنی آدھے سر کا درد، اس کے علاوہ پورے سر یا پھر تھوڑی دیر کے وقفے سے ہونے والے سر درد درد جن کے ساتھ متلی، قے اور وقتی طور پر بینائی کا متاثر ہونا یا تیز دھوپ، تیز روشنی، تیز آواز، کسی خاص خوشبو یا بدبو وغیرہ سے الجھن ہو تو یہ نظام ہاضمہ اور آنتوں کی بیماری کی وجہ بن سکتی ہے. یہ بیماری جینیاتی بھی ہوتی ہے اور والدین سے اولاد میں منتقل ہوسکتی ہے. جن افراد کو یہ بیماری نہیں ہوتی ان میں باقی تکالیف بھی نہیں دیکھی گئیں.

علاج کے طریقے

سر درد یا درد شقیقہ کا علاج نہ صرف ان کے فوری اثرات کو کم کرنے کے لیے بلکہ صحت کے دءگر مسائل کے خطرے کو کم کرنے کے لیے بھی اہم ہے۔ سر درد کو کم کرنے کے لئے بھرپور نیند، یوگا کرنا، پانی پینا اور متوازن غذا کھانا فائدہ مند ہے۔ اگر کچھ عوامل جیسے تیَ خوشبو یا موسیقی سر درد کو بڑھاتی ہیں تو ان سے دور رہیں. باقاعدگی سے ورزش کریں کیونکہ یہ تناؤ کو کم کرتی ہے.