دوسری بہو ہر وقت سر پر دوپٹہ لیتی ہے اور.. صبا فیصل نے اپنی بہوؤں سے تعلقات کے بارے میں نیا انکشاف کردیا

"اب میں بہت خوش ہوں کیوں کہ حال ہی میں دوسری بہو بھی لائی ہوں. تعلقات اور رشتوں میں پہلی بار باتیں اور چیزیں سمجھ نہیں آتیں، ہر کسی سے غلطیاں ہوتی ہیں، اس لیے جب میں پہلی بار ساس بنیں تو بہت ساری چیزیں میں نہیں سمجھ سکی اسی طرح میری بہو بھی پہلی بار کسی دوسرے گھر میں بہو بن کر آئی تو انہیں بھی کچھ باتیں سمجھ نہیں آ رہی تھیں، اس لیے ہم دونوں سے غلطیاں ہوئیں۔ لیکن غلطی کسی کی بھی ہو، ایسی باتوں کو سوشل میڈیا پر شیئر نہیں کرنا چاہیئے۔"

یہ کہنا ہے سینئر اداکارہ صبا فیصل کا جنھوں نے ایک ٹاک شو میں اپنی نجی اور گھریلو زندگی کے متعلق بات کی. صباء فیصل جنھوں نے حال ہی میں اپنے چھوٹے بیٹے کی شادی کی ہے اپنی نئی بہو سے کافی خوش ہیں.

صبا نے بتایا کہ وہ اچھی بہو اور اچھی بھابھی رہی ہیں جب کہ وہ بیوی بھی بہت اچھی ہیں اور جہاں تک سوال ہے مسائل کا تو یہ چیزیں ہر جگہ اور ہر گھر کا حصہ ہیں لیکن چوں کہ وہ اسٹار ہیں تو اس لیے ان کی باتیں بہت زیادہ ہائی لائٹ کی جاتی ہیں.

واضح رہے کہ گزشتہ برس صبا نے اپنی بڑی بہو سے اختلافات کے بعد ان کے خلاف ویڈیو بنا کر سوشل میڈیا پر شیئر کردیا تھا جس کے بعد انھیں کڑی تنقید کا سامنا کرنا پڑا. البتہ صبا کی چھوٹی بہو کے سر پر ہر وقت دوپٹہ لینے کی عادت پر سوشل میڈیا صارفین نے خوب تعریف کی.