ایک بار پھر.. آغا علی کی دلہا بنے تصویر وائرل! ویڈیو میں نیا انکشاف کردیا

معروف اداکار آغا علی اور حنا الطاف کے درمیان علیحدگی کی خبریں تو گزشتہ دو برس سے سامنے آ رہی ہیں لیکن کچھ مہینے پہلے دونوں نے اپنے اکاؤنٹ سے ایک ساتھ کھینچوائی گئی تمام تصاویر بھی ڈیلیٹ کردی ہیں. اس کے علاوہ حال ہی میں آغا علی نے دلہا کے لباس میں ایک ایسی تصویر شئیر کی ہے جس سے محسوس ہورہا ہے کہ وہ دوسری شادی بھی کرچکے. اتنا ہی نہیں اداکار نے تصویر کے کیپشن میں "ایک بار پھر" بھی لکھا ہے

البتہ تصویر کے وائرل ہونے کے بعد جب بڑی تعداد میں لوگوں نے آغا علی سے دوسری شادی کے متعلق پوچھا تو انھیں یہ بات کچھ پسند نہیں آئیاور تھوڑی ناراضی دکھاتے ہوئے انھوں نے ایک اور ویڈیو بنا ڈالی.

اس ویڈیو میں آغا علی کہتے ہیں کہ “ایک بار پھر کہنے کا مطلب تھا کہ میں ایک بار پھر ڈرامے میں شادی کر رہا ہوں اور یہ بات تو سب ہی جانتے ہیں کہ ہم اداکار ڈراموں میں کئی بار شادی کرتے ہیں لیکن جب میں نے اپنی ویڈیو پر لوگوں کو اپنی دوسری شادی کے متعلق تبصرے کرتے دیکھا تو سوچا کہ خود ہی بتا دوں. ایک مشہور پیج نے میری ویڈیو شیئر کرتے ہوئے یہی ظاہر کیا کہ میں نے دوسری شادی کرلی ہے لیکن میں یہ حقیقت واضح کرنا چاہتا ہوں کہ میں نے صرف ڈرامے میں شادی کی ہے اس لئے غلط فہمی کا شکار نہ ہوں. آپ لوگ اپنی شادیوں کی فکر کریں. میری کیوں اتنی ٹینشن لیتے ہو؟