وٹامنز کا خزانہ اور کئی بیماریوں کا علاج.. سردیوں کی مزیدار سوغات ساگ میں چھپے انوکھے فائدے

سردیاں شروع ہوتے ہی دیسی گھروں میں ساگ کی بہتات ہوجاتی ہے. بڑے سے دیگچے میں ساگ پکایا جاتا ہے جسے ناشتے میں پراٹھے اور مکھن سے کھایا جاتا ہے. ساگ پاکستانیوں کی اتنی مرغوب غذا ہے کہ اس وقت سوشل میڈیا پر اسی حوالے سے میمز بھی بھرے پڑے ہیں. البتہ اس آرٹیکل میں ہم آپ کو اس لذیذ خوراک کے کچھ فائدے بھی بتائیں گے تاکہ وہ لوگ جو ساگ نہیں کھاتے وہ بھی اسے کھانے لگیں.

ساگ میں کینو سے زیادہ وٹامن سی اور پالک سے زیادہ وٹامن اے پایا جاتا ہے. یہ جراثیم کش ہوتے ہیں اسی وجہ سے سردی میں ان کو بیماریوں سے لڑنے کی خاطر خوب کھایا جاتا ہے. ان میں وٹامن اے، بی 6، بی 3 کے علاوہ کیلشیم، پوٹاشیم، پروٹین، آئرن، فائبر، زنک اور فاسفورس بھی پایا جاتا ہے.

ساگ میں موجود لیوٹین دماغی خلیات کے لئے فائدہ مند ہے.

لیوٹین اور زیاکزنتھن کی موجودگی بینائی کو طاقتور بناتی ہے

وٹامن کے اور کیلشیم ہڈیوں، ناخن اور بالوں کے لئے بھی مفید ہے

اینٹی آکسیڈینٹس کی وجہ سے دائمی بیماریوں کا خطرہ ٹل جاتا ہے. ذیابیطس، بلڈ پریشر اور دل کی بیماریوں کا امکان کم ہوتا ہے .

ساگ گردوں کی صحت کے لئے بھی مفید ہے.