چمکدار اور صاف جِلد حاصل کرنا چاہتے ہیں؟ جانیئے ہرا دھنیا اور لیموں آپ کے لئے کس قدر فائدے مند ثابت ہو سکتے ہیں

ہر ایسی عادت جو آپ کو نقصان پہنچا رہی ہو اسے فوری ترک کر دینا آسان نہیں، لیکن اگر چند نئی عادتوں کو اپنا لیا جائے جو آپ کی صحت کے ساتھ ساتھ آپ کی خوبصورتی میں اضافے کے لئے مفید ہو تو اس میں کوئی ہرج نہیں۔
ہر شخص، مرد و عورت یہی چاہتے ہیں کہ ان کی جلد صاف شفاف اور چمکدار ہو لیکن اب اس کے لئے ہزاروں روپے خرچ کرنے کی ضرورت نہیں، بس اپنی روز مرہ کی غذا میں لیموں اور دھنیا شامل کریں اور پائیں صحت اور خوبصورتی کے کئی راز۔
جس طرح ہری سبزیوں کا استعمال مفید ہے اس ہی طرح ہری سبزیوں سے بنائے گئے جوس بھی بے حد فائدے مند ہوتے ہیں اگر تلے ہوئے پکوان اور پروسیسڈ چیزی کھانے کھا کھا کر آپ کے چہرے پر دانے اور دھبے ہو رہے ہیں یا پھر جلد لٹک سی گئی ہے تو بس ہمارے بتائے گئے طریقے سے لیموں اور ہرے دھنیے کا رس تیار کریں اور پائیں حیرت انگیز نتائج۔

ہرے دھنیے اور لیموں میں چھپے حیرت انگیز فوائد

ہرے دھنیے اور لیموں کا جوس اینٹی آکسیڈنٹس اور اینٹی انفلامٹری خصوصیات سے بھرپور ہوتا ہے، ہرے دھنیے اور لیموں دونوں ہی وٹامن سی کا خزانہ ہیں، یہ ہمارے جسم میں موجو دفری ریڈیکلز سے لڑنے میں مدد کرتا ہے جن کی وجہ سے ہماری جلد وقت سے پہلے جھریوں اور جھائیوں سے بھر جاتی ہے اور یوں عمر زیادہ لگنے لگتی ہے۔
ہرے دھنیے اور لیموں کا جوس نہ صرف ہماری خوبصورتی بڑھانے کے لئے بہترین ہے بلکہ یہ ہماری صحت کو بحال کرنے میں بھی کردار ادا کرتا ہے یہ ایک قدرتی ڈیٹاکس بھی ہے جو وزن کم کرنے کے لئے انتہائی مفید ہے لیموں اور ہرے دھنیے کے جوس میں موجود غذائی اجزاء حیرت انگیز طور پر ہماری جلد کو صاف اور شفاف بناتے ہیں، نظامِ ہاضمہ بہتر بناتے ہیں اور ہمارے جسم میں موجود فاضل مادوں کو خارج کرنے میں مدد کرتے ہیں۔

ہرے دھنیے اور لیموں کا جوس بنانے کا طریقہ

اجزاء

ایک تک تازہ ہرا دھنیا
2 سے 3 چمچ لیموں کا رس
پانی حسبِ ضرورت

ترکیب

بلینڈر میں ہرے دھنیے کے پتے اور لیموں کا رس شامل کریں اب اس میں ڈالیں، باریک پیس کر نکال لیں اگر آپ چاہیں تو اس میں ذائقے کے لئے کالی مرچ یا پھر چاٹ مصالحہ بھی چھڑک سکتے ہیں اب اسے ٹھنڈا کر کے پیئیں یا برف ڈال کر نوش فرمائیں، اس کا روزانہ یا ہفتے میں 3 مرتبہ استعمال آپ کو حیران کُن نتائج فراہم کرے گا۔