میرے والد نے بھی اجازت نہیں دی تھی ۔۔ ماہرہ خان اور صنم جنگ کی کونسی خواہش شادی کے بعد بھی پوری نہ ہوسکی؟

وہ کہتے ہیں ناں انسان کی ہر خواہش پوری نہیں ہوسکتی، سب کچھ ہونے کے بعد بھی کوئی نہ کوئی خواہش ادھوری رہ جاتی ہے اور ایسا ہی کچھ ہماری اداکاراؤں کے ساتھ بھی ہوا۔

حال ہی میں ماہرہ خان نے اپنے انسٹاگرام پر ایک ویڈیو شیئر کی، جس میں وہ اپنی اھوری خواہش یعنی "ناک چھدوانے" کا اظہار کر رہی ہیں۔ ویڈیو میں انہیں سفید رنگ کے لباس میں ناک میں نتھ پہنے دیکھا جاسکتا ہے۔

کیپشن میں انہوں نے اپنی والدہ کا حوالہ دیتے ہوئے لکھا کہ، "میں نے امی سے ناک چھدوانے کی اجازت مانگی، تو امی نے کہا اگر تمھاری ناک چھوٹی ہوتی تو میں دے دیتی اجازت۔"

ماہرہ خان کی جانب سے شیئر کردہ مختصر ویڈیو کے کمنٹس میں کئی ساتھی اداکاراؤں نے کمنٹ کیا اور کہا کہ، ان پر نتھ جچ رہی ہے لیکن انہیں چھوٹی نتھ کا انتخاب کرنا چاہئے۔

صنم جنگ نے بھی اسی مسئلے سے دوچار ہونے کا انکشاف کیا۔ اداکارہ نے بھی اپنے والد کے ساتھ ہونے والی کچھ اسی نوعیت کی گفتگو شیئر کی۔

صنم نے لکھا کہ، "شادی سے پہلے میں نے بھی اپنے والد سے ناک چِھدوانے کی اجازت مانگی تھی، جس پر انہوں نے یہ کہتے ہوئے منع کر دیا کہ جو کرنا ہے شادی کے بعد کرنا۔ شادی کے بعد جب ان سے اجازت مانگی تو انہوں نے یہ کہتے ہوئے منع کردیا کہ، میں انہیں ایسے ہی پسند ہوں۔"