لیموں کے چھلکوں کو پیس کر صرف یہ چیز ملائیں اور.. جھریوں اور لٹکتی جلد کو گھر پر ہی کیسے ٹھیک کریں؟

بڑھتی عمر کے ساتھ چہرے اور گردن کی جلد لٹکنا شروع ہوجاتی ہے جس کو ٹھیک کرنے کے لئے مہنگے فیشل اور ٹریٹمینٹ کروائے جاتے ہیں. یہ تمام چیزیں زیادہ تر وقتی ہوتی ہیں البتہ کچھ قدرتی علاج ایسے بھی ہیں جن سے بہت اچھے نتائج ملتے ہیں. آج ہم بھی آپ سے ایسا ہی ایک طریقہ شئیر کرتے ہیں.

اس کیلئے صرف تین چیزوں چاہیں. لیموں کے چھلکے، السی کے بیج اور گوند کتیرا. اس کو بنانے کیلئے سب سے پہلے لیموں کے چھلکوں کو پیس کر اس کا پیسٹ بنالیں اس کے بعد السی کے بیجوں کو ایک برتن میں پانی ڈال کر پکالیں اور جب وہ ایک جیل کی شکل میں ہوجائے تو اسے اتار کر چھان لیں۔ اس کے بعد گوند کتیرا کو پیس کر پاؤڈر بنا لیں.

اب آدھا چمچ گوند کتیرا کا پاؤڈر، ایک سے ڈیڑھ چمچ السی کا جیل اور ایک چمچ لیموں کے چھلکوں کا پیسٹ ملا کر 10 سے 15 منٹ کیلئے چھوڑ دیں۔ گاڑھے پن کو کم کرنے کے لیے اس آمیزے میں عرق گلاب یا تھوڑا سا پانی ملا لیں.

اس آمیزے کو چہرے پر اس طرح لگانا ہے کہ ہاتھ نیچے سے اوپر کی طرف جائے اور گردن پر بھی لازمی لگائیں. اس کو لگانے کے بعد بغیر تکیے کے آدھا گھنٹے کیلئے سیدھا لیٹنا ہے اور اس دوران ہنسنے اور بات کرنے سے پرہیز کریں. کمرے کا درجہ حرارت نارمل ہونا چاہیے اور پنکھا بھی بند رکھیں.

لیموں جلد کو کولاجن دے کر جھریوں سے نجات دے گا. یہ عمل ہفتے میں تین بار کریں اس سے آپ کو لٹکی ہوئی جلد ایک ہفتے میں ہی ٹائٹ ہوتی محسوس ہوگی.