ربیکا خان اور حسین ترین نکاح کے بندھن میں بندھ گئے۔۔ خوبصورت عروسی لباس میں دلہن کو دیکھ کر دلہے کی آنکھیں بھر آئیں! ویڈیو وائرل

Rabeeca Khan And Hussain Tareen Nikah Pictures And Video

کراچی کی روشنیوں میں آج وہ لمحہ آ گیا جس کا انتظار لاکھوں مداحوں کو تھا۔ انسٹاگرام کی چھ ملین فالوورز کی کوئین، یوٹیوب کی اسٹار ریبکا خان نے اپنے دیرینہ دوست اور ہم سفر حُسین ترین کے ساتھ نکاح کے بندھن میں بندھ کر نئی زندگی کا آغاز کر لیا۔

دلہن کا شاہانہ روپ:

ربیکا کے گہرے سرخ لہنگے میں چاندی کے باریک سیکوئنز اور کت دانے کی کڑھائی کسی شاہی خواب سے کم نہیں لگ رہی تھی۔ اس کے ساتھ جالی دار دوپٹہ جو شیشیے کے کام سے سجا ہوا تھا۔

سادہ مگر اسٹائلش بالوں کا جُوڑا، سلیقے سے بندھا ہوا تھا اور گلوئنگ میک اَپ نے پورا لک مکمل کیا۔

جیولری کا جادو الگ تھا جس میں زمرد جڑا ماتھا پٹی، ہم رنگ ہار اور جھمکے— سب نے مل کر ریبکا کے حسن کو چار چاند لگا دیے۔

اور یہی وجہ تھی کہ حسین جناب اپنی دلہن کو دیکھ کر اپنے جذبات پر قابو نہ رکھ سکے اور ان کی آنکھیں بھر آئیں۔

دولہا کی کلاسک شان:

حُسین ترین نے سفید شیروانی میں سادگی اور وقار کا حسین امتزاج پیش کیا، ساتھ میں روایتی شال نے ان کے لک کو مزید باوقار بنا دیا۔

ایک نئے سفر کی ابتدا، لاکھوں دُعاؤں کے ساتھ:

ریبکا اور حُسین کو اس حسین سنگِ میل پر ڈھیروں مبارکباد! ہمیں یقین ہے کہ یہ جوڑی ڈیجیٹل دنیا ہی نہیں، حقیقی زندگی میں بھی اپنی کہانی سے سب کو متاثر کرتی رہے گی۔