ٹماٹر اور پیاز کی دوستی سب پہ بھاری ۔۔۔ سالن بنانا اب مشکل! جانیے ان دونوں سبزیوں کی قیمت میں کہاں پہنچ گئیں کہ عوام رو پڑی

کھانا بنانے کے لئے سب سے ضروری پیاز اور ٹماٹر جس کے بغیر کھانا بننا مشکل ہی نہیں بلکہ ناممکن ہی ہے۔ ہر کھانے کا ذائقہ ٹماٹر اور پیاز سے بڑھتا ہے اور اب یہ بھی بیچاری عوام کی پہنچ سے دور ہو رہی ہیں۔ ٹماٹر جو کہ پچھلے کچھ دنوں سے مارکیٹمیں 180 یا 200 روپے فی کلو فروخت ہو رہا ہے لیکن اب اس کی دوست پیاز بھی مہنگی ہوگئی ہے۔

پیاز کی آج کی حآلیہ قیمت کراچی میں 200 روپے فی کلو ہے جس کو سننے کے بعد آپ بھی کانوں کو ہاتھ لگا رہے ہوں گے۔ سبزی منڈی میں فی کلو پیاز 150 روپے کے حساب سے 1 من پیاز کی قیمت 6 ہزار روپے ہے۔ ذرائع کے مطابق سیلاب کی وجہ سے پیاز کی فصل بڑے پیمانے پر خراب ہوئی تھی، جس سے بازار میں پیاز کی قلت پیدا ہو گئی ہے۔

مہنگی ہونے کی وجہ:

اس وقت ملک بھر میں پیاز کی اضافی ضرورت کو پورا کرنے کے لئے ایران سے درآمد کیا جا رہا ہے یہی وجہ ہے کہ اس کے دام پھر سے بڑھ گئے ہیں جبکہ سندھ اور فیصل آباد میں بھی اب 2 ماہ بعد پیاز کی فصل تیار ہے اور بازاروں میں بک رہی ہے۔

عوام کا شکوہ:

پیاز اور ٹماٹر ہر کسی کو روزمرہ کی ضرورت کے لئے خریدنا پڑتا ہے، لیکنا گر دونوں چیزوں کے دام ایک ساتھ بڑھیں گے تو گزارہ کرنا مشکل ہے کیونکہ ظاہر ہے کھانا تیار کیسے ہوگا؟ خواتین جو گھر کا خرچہ خود چلاتی ہیں ان کی حکومت سے گزارش ہے کہ بڑھتی قیمتوں کی روک تھام کے لیے خاطرخواہ اقدامات اٹھائے جائیں۔