ماں سے ملا مگر۔۔ رجب بٹ واپس آ کر بھی بیوی اور بیٹے سے کیوں نہیں ملے؟ وجہ جان کر صارفین نے یوٹیوبر کے لتے لے لیئے

Rajab Butt Pakistan Wapis Aa kar Biwi Or Bete Se Kyun Nahi Mile

رجب بٹ کی زندگی ایک نئے ڈرامائی موڑ کے ساتھ سوشل میڈیا پر چھائی ہوئی ہے۔ مشہور یوٹیوبر ایک عرصے سے قانونی معاملات میں الجھے ہوئے تھے، جس کی وجہ سے انہیں ملک چھوڑ کر جانا پڑا اور اب برطانیہ سے ویزا کینسل ہونے کے بعد واپس پاکستان پہنچے ہیں۔ ادھر اُن کی اہلیہ ایمان فاطمہ نے بیٹے کیوان سلطان بٹ کو جنم دیا جب وہ بیرونِ ملک تھے۔

واپسی کے بعد رجب بٹ نے میڈیا سے گفتگو میں بتایا کہ وہ اپنی والدہ سے مل کر دل کا بوجھ ہلکا کر چکے ہیں، مگر اب تک اپنی بیوی اور نومولود بیٹے سے ملاقات نہیں کر پائے۔ اُن کا کہنا تھا کہ انہوں نے سوچا تھا گھر پہنچتے ہی سب مل جائیں گے، لیکن ایمان اپنے میکے میں تھیں، جس کے باعث ملاقات نہ ہو سکی۔ رجب نے اعتراف کیا کہ اس صورتحال نے انہیں ادھورا سا محسوس کروایا ہے۔

دوسری طرف، سوشل میڈیا پر تبصروں کی لائن لگ گئی ہے۔

کسی نے طنز کیا، اگر بیٹے کی اتنی ہی یاد آ رہی تھی تو سیدھا جا کر مل کیوں نہیں لیا؟ کیا سسرال کے باہر بھی پولیس کھڑی ہے؟

ایک اور صارف بولا، اس کے رویّے میں تکبر نظر آتا ہے۔

جبکہ کسی نے لکھا، ایمان شاید اُس سے خوش نہیں۔ اگر وہ جیل گیا تو وہ خود کو زیادہ محفوظ سمجھے گی۔

ایک نے ماں کو نشانہ بناتے ہوئے کہا، اس کی ماں سب سے بڑی ڈرامے باز ہے۔

جبکہ رجب کے مداحوں کا کہنا تھا کہ ایمان اور اس کا بھائی رجب کے نام پر شہرت لے کر اسے گندا کر رہے ہیں۔

اسی ہنگامے میں ایمان فاطمہ نے بھی ایک پراسرار اسٹوری شیئر کی، جس میں صرف اتنا لکھا تھا کہ، ہمیشہ کہانی کے دونوں پہلو دیکھیں۔

اس ایک جملے نے کہانی کو مزید پراسرار بنا دیا ہے، اور لوگ اب جاننا چاہتے ہیں کہ سچائی آخر ہے کس کے پاس؟