خون بناتا ہے اور بڑھی ہوئی شوگر بھی کم کرے.. انار پھلی کا جوس بنانے کا طریقہ اور اس کے لاتعداد فائدے

کیکٹس کے پودے سے اگنے والے پھل کو انار پھلی کہتے ہیں. آج کل یہ بازار میں بہت بک رہی ہیں. انار پھلی کا رس نہ صرف تازگی بخشتا ہے بلکہ صحت کے لیے مختلف فائدے بھی رکھتا ہے.

پکے ہوئے انار پھلی کے 4-5 دانے، ایک پیالی پانی، حسب ذائقہ چینی یا شہد اور لیموں کا رس. سب سے پہلے انار پھلی کو ٹھنڈے پانی سے دھو لیں۔ اس کے اوپری حصے میں کانٹے ہوتے ہیں انھیں احتیاط سے کاٹ کر الگ کرلیں. ان تمام اجزاء بلینڈر میں ڈال کر بلینڈ کر لیں اور چھان کر سرو کریں.

انار پھلی کے جوس میں وٹامن سی، فلیوونائڈز اور بیٹالینز جیسے اینٹی آکسیڈنٹس زیادہ ہوتے ہیں، جو آزاد ریڈیکلز سے لڑنے اور آکسیڈیٹیو تناؤ کو کم کرنے میں مدد کرتے ہیں۔

اس میں موجود فائبر ہاضمے میں مدد کرتا ہے اور قبض کو دور کرنے میں مدد کرتا ہے۔

پوٹاشیم اور میگنیشیم بلڈ پریشر کی صحت مند سطح کو برقرار رکھنے اور دل کی صحت کو مضبوطی دینے میں مددگار ثابت ہوتے ہیں۔ یہ تمام چیزیں انار پھلی میں پائی جاتی ہیں.

انار پھلی میں موجود اجزاء جسم میں سوزش کو کم کرنے میں مددگار ثابت ہوتے ہیں۔

جدید تحقیق سے یہ بات بھی سامنے آئی ہے کہ انار پھلی نہ صرف خون بناتا ہے بلکہ خون میں شوگر کی سطح کو کنٹرول کرنے میں بھی مددگار ہے. یہ ذیابیطس اور خون کی کمی کے شکار افراد کے لیے فائدہ مند ہے.

وٹامن سی سے بھرپور ہونے کی وجہ سے انار پھلی کا رس مدافعتی نظام کو تیز بناتا ہے۔