یہ تو آپ سب ہی جانتے ہیں کہ ماہرین صحت اینٹی آکسیڈنٹ والی غذائیں اور ڈیٹاکس واٹر کے استعمال پر زور دیتے ہیں، کیونکہ یہ انسانی کی مجموعی صحت اور جسمانی اعضاء کی صفائی کے لئے بے حد مفید ہوتے ہیں اور ان کا استعمال ہمارے جسم سے فاضل مادوں کو خارج کرنے کا سبب بنتا ہے۔
لیکن لیموں اور کیھرے کے بجائے کیا آپ نے کبھی رائی دانہ اور زیرے کے ڈیٹاکس واٹر کے بارے میں سُنا ہے؟ چلیں آج ہم آپ کو بتاتے ہیں رائے دانے اور زیرے سے بنے جادوئی ڈیٹاکس واٹر کے چند حیرت انگیز کمالات جر کر دیں آپ کی زندگی آسان۔
رائی دانے اور زیرے کے ڈیٹاکس واٹر کے صحت پر حیرت انگیز فوائد
پاکستان کی مشہور ہربلسٹ ڈاکٹر بلقیس کے مطابق ڈیٹاکس واٹر انسانی صحت کے لیے ناگزیر ہے، ڈاکٹر بلقیس کہتی ہیں کہ قدرتی اجزاء سے تیار ہونے والا ڈیٹاکس واٹر انسانی صحت اور اس کی خوبصورتی میں اضافے کے لئے بے حد مفید ہے، ان کا کہنا ہے کہ اگر روزانہ کی بنیاد پر ڈیٹاکس واٹر کا استعمال کیا جائے تو جسمانی اعضاء کی کارکردگی میں مثبت نتائج سامنے آتے ہیں اور یوں انسان سو بیماریوں کی جڑ موٹاپے اور پیٹ کے گرد جمی ضدی چربی سے بھی بچ جاتا ہے۔
ڈاکٹر بلقیس کی جانب سے تجویز کردہ ڈیٹاکس واٹر
ڈاکٹر بلقیس کی جانب سے تجویز کیا گیا یہ رائی اور زیرے کا ڈیٹاکس واٹر گردوں سے پتھری نکالنے، کولیسٹرول اور ہائی بلڈ پریشر کو متوازن رکھنے، فیٹی لیور کی بیماری دور کرنے، جگر کی گرمی اور تیزابیت کے خاتمے، معدے اور آنتوں کی صفائی اور وزن میں تیزی سے کمی لانے کے لیے بے حد مفید ثابت ہوتا ہے آیئے تو پھر فوری اسے بنانے کی ترکیب بھی جان لیتے ہیں۔
رائی دانے اور زیرے کا ڈیٹاکس واٹر بنانے کا طریقہ
اجزاء
ادرک کا ٹکڑا۔۔۔ دو سے تین انچ کا
لیموں۔۔۔ 4 سے 6 چھلکوں سمیت
پودینے کے پتے۔۔۔ 20 سے 25 عدد
سفید زیرہ۔۔۔ ایک کھانے کا چمچ
رائی دانہ۔۔۔ ایک کھانے کا چمچ
ترکیب اور طریقہ استعمال
اوپر بتائے گئے اجزاء کو گرینڈ کر کے پیس کر مرکب بنا لیں، صبح اُٹھتے ہی پہلے نہار منہ ایک گلاس بھر کر سادہ پانی پئیں، اب اس مرکب کا آدھا چائے کا چمچ آدھے گلاس پانی میں شامل کریں اور پی لیں، اس ڈیٹاکس واٹر کو استعمال کرنے کے آدھے گھنٹے بعد ناشتہ اور کیفین وغیرہ کا استعمال کریں اس واٹر کا دن میں صرف ایک مرتبہ استعمال کریں، اور بنا کر 7 دن کے لئے بھی فریج میں اسٹور کر سکتے ہیں۔