اچانک قد بھی چھوٹا ہوسکتا ہے۔۔ کمزور ہڈیوں کی خطرناک علامات اور انھیں دور کرنے کے گھریلو طریقے

ہڈیاں ہمارے جسم ایسا اہم ترین عضو ہیں جن پر اکثریت توجہ نہیں دیتی۔ یہ وہ بنیادی ڈھانچہ ہے جس پر پورا جسم کھڑا ہوتا ہے لیکن لوگ اس بات کی اہمیت کو نہیں سمجھتے اور ایک وقت آتا ہے جب ہڈیاں کمزوری کی خاموش علامات ظاہر کرنے لگتی ہیں۔ بروقت ان علامات کو سمجھیں تاکہ صحت مند زندگی گزار سکیں۔

ہڈیوں میں کمزوری کی خطرناک علامات

اچانک سے پینٹ یا ٹراؤزر جوتوں میں پھنسنے لگے یا نیچے آنے لگے تو یہ ایک نشانی ہے کہ آپ کا قد ایک سے ڈیڑھ انچ چھوٹا ہوچکا ہے۔ یہ ہڈیوں میں کمزوری کی سب سے بڑی علامت ہے۔ اس کے علاوہ دانتوں کا اچان آدھا یا بھربھرا ہو کر ٹوٹنا۔ بیٹھنے کے انداز میں تبدیلی۔ ہر معمولی چوٹ پر ہڈیوں میں درد ہونا۔ اٹھتے بیٹھتے خاص طور پر نماز کے دوران ہڈیوں سے ٹک ٹک کی آواز آنا۔

ہڈیوں کی کمزوری دور کرنے کے طریقے

دار چینی میں کالی مرچ پاؤڈر اور چینی ملا کر نیم گرم پانی کے ساتھ پینا جوڑوں کی تکلیف میں مفید ہے۔
ساگو دانہ ہڈیوں میں گودا بنانے اور جسم کو قوت بخشنے میں مفید ہے۔ 3 چمچ ساگو دانہ ایک کپ دودھ میں بغیر چینی کے ہلکی آنچ پر پکائیں اور روز صبح پی لیں۔ کچھ دن یہ عمل کرنے سے ہڈیوں میں نئی جان محسوس ہونے لگے گی۔
کیلشیئم کی گولیاں بھی ہڈیوں کی کمزوری میں مفید ہیں۔ اس کے علاوہ کاربونیٹڈ ڈرنکس سے سختی سے پرہیز کریں۔