4 ماہ کی بیٹی کے منہ سے جھاگ نکلنے لگا اور پھر۔۔ سعدیہ امام کی بیٹی کو کون سی خطرناک بیماری ہے؟ پہلی بار بتا دیا

“میری بیٹی صرف 4 ماہ کی تھی اسے اچانک بخار ہوا۔ مجھے اندازہ نہیں تھا کہ بچوں کو بخار ہو تو کیا کرنا چاہیے۔ سردی کا موسم تھا اس لئے اسے موزے، ٹوپا اور گرم کپڑے پہنا دیے لیکن اس کی حالت خراب ہوگئی تھی۔ میں اور شوہر اسپتال لے کر بھاگے تو ڈاکٹر نے کہا بچی کی جان جا سکتی تھی اگر کمرے کی کھڑکی بند ہوتی“

یہ کہنا ہے اداکارہ سعدیہ امام کا جنھوں نے چھوٹے بچوں کی پرورش کے حوالے سے ندا یاسر کے مارننگ شو میں شرکت کی۔ سعدیہ امام نے پہلی بار اپنی بیٹی کی بیماری کے حوالے سے انکشاف کیا کہ ان کی بیٹی کو بخار اچانک تیز ہوجاتا ہے اور اسے دورے پڑتے ہیں جس دوران اسے سنبھالنا مشکل ہوجاتا ہے البتہ اب وہ اپنی بیٹی کو خود ٹھیک کر لیتی ہیں۔

سعدیہ امام نے بتایا کہ جب وہ بچی کو لے کر اسپتال پہنچیں تو ڈاکٹر نے بچی کے گرم کپڑے اتار کر اسے پانی کے ٹب میں ڈال دیا اور جب تک اس کا بخار کم نہیں ہوا اس کے پاؤں ٹب میں ہی رہنے دیے۔

ان کا کہنا تھا اگر بچے کو اچانک دورا پڑے تو اسے سیدھی کروٹ لٹا دیں اور اس کے منہ میں کوئی ایسی چیز دبا دیں کہ وہ نگل نہ سکے اور دانت بھینچ نہ سکے اور ڈاکٹر سے رجوع کریں۔