کوئی بھی اچھا سا عطر لے کر اسے اپنی نبض، ناف یا ہنسلی کی ہڈی پر لگانے سے کیا ہوتا ہے ؟ حیران کن معلومات

پرفیوم استعمال کرنے کا شوق کس کو نہیں ہوتا اور موسم چاہے خود کو مہکانا ہر ایک کو اچھا لگتا ہے۔ تاہم بیشتر افراد خوشبویات کے استعمال کے حوالے سے زیادہ واقف نہیں ہوتے اور اس وجہ سے مہنگے سے مہنگے پرفیوم کی مہک بھی بہت جلد اڑ جاتی ہے۔ درحقیقت مرد و خواتین کسی پرفیوم کو لگاتے ہوئے چند بڑی غلطیاں کرتے ہیں۔ کیا آپ بھی پرفیومز کے وقت یہ غلطیاں کرتے ہیں۔ اور یہی وجہ ہے کہ مہنگے پرفیومز بھی بے اثر محسوس

ہوتے ہیں، جس سے ذہنی جھنجھلاہٹ کے ساتھ پیسے بھی ضائع ہوتے ہیں۔ تو جان لیں کہ کہیں آپ بھی تو یہ غلطیاں تو نہیں کررہے۔ کپڑوں پر اسپرے کرنا پرفیوم کو براہ راست کپڑوں پر اسپرے کرنا سب سے بڑی غلطی ہے، اگر آپ ایسا کرتے ہیں تو جان لیں کہ اس کے نتیجے میں خوشبو زیادہ دیر برقرار نہیں رہتی جبکہ لباس پر نشان الگ بن جاتے ہیں جو کافی بدنما محسوس ہوتے ہیں۔ پرفیوم سے جلد کو گیلا کرنا اکثر لوگ اتنے قریب سے پرفیوم کو اسپرے کرتے ہیں، جس سے جلد گیلی ہوجاتی ہے، جو کہ غلط طریقہ ہے۔ پرفیوم کی بوتل اور جسم کے درمیان 5 سے 7 سینٹی میٹر کا فاصلہ ہونا چاہئے، تاہم بہت زیادہ دور کرنے سے بھی آپ بہت زیادہ پرفیوم ضائع کردیں گے۔ بہت زیادہ اسپرے کرنا پرفیوم کا بہت زیادہ اسپرے کرنا عدم اطمینان کا باعث بنتا ہے، درحقیقت ایسا کرنے کی عادت جن لوگوں میں ہوتی ہے، وہ اکثر سردرد کی شکایت بھی بہت زیادہ کرتے ہیں۔ عطر کو ٹھیک طرح نہ لگانا عطر کو نرمی سے نبض پر لگانا چاہئے کیونکہ یہ

وہ حصہ ہے جہاں سے جسم سے اضافی حرارت خارج ہوتی ہے جو کہ خوشبو کو بڑھاتی ہے، عطر کو کلائی، ناف یا ہنسلی کی ہڈی پر لگانا چاہئے، دیگر مقامات پر لگانے سے خوشبو بہت جلد اڑ جائے گی۔ کہاں لگانا چاہئے؟ پرفیوم کی خوشبو کو دیر تک برقرار رکھنے کے لیے اسے کہنی کے اوپر، بالوں یا قمیض کے کالر پر چھڑکیں، اسی طرح گردن اور سینے پر چھڑکاؤ بھی مہک کو دیر تک برقرار رکھتا ہے۔