ماں ہو کر دوسری ماں کی گود اجڑنے پر خوش ہو رہی ہیں؟ ثانیہ مرزا کو بھارتی جنگ سپورٹ کرنا مہنگا پڑ گیا!

Sania Mirza Criticized For Supporting Indian War

کبھی محبت کی سرحدیں مٹا دینے والی مسکراہٹ، آج سوالوں کی زد میں ہے۔

بھارتی ٹینس اسٹار اور سابقہ پاکستانی بہو ثانیہ مرزا ایک سوشل میڈیا پوسٹ کے باعث شدید تنقید کی زد میں ہیں، جسے پاکستان میں جنگ کے حق میں بیان سمجھا جا رہا ہے۔ یہ وہی ثانیہ ہیں جنہیں پاکستانی عوام نے برسوں عزت دی، چاہے وہ ان کی شعیب ملک سے شادی ہو یا بعد میں علیحدگی — ہر مرحلے پر انہیں اپنایا گیا۔ لیکن اس بار معاملہ نازک ہے۔

جب بھارت اور پاکستان کے درمیان کشیدگی بڑھتی ہے، تو الفاظ اور خاموشیاں دونوں ہی اہم ہو جاتے ہیں۔ ثانیہ کی جانب سے حالیہ پوسٹ میں جو لہجہ اپنایا گیا، اسے کئی پاکستانیوں نے بھارت کے جنگی بیانیے سے جوڑا، جس پر سوشل میڈیا پر غصے کی لہر دوڑ گئی۔

ایک صارف نے سوال اٹھایا، ایک ماں ہونے کے ناتے، کیا معصوم بچوں پر ہونے والے مظالم پرخاموشی بھی جرم نہیں؟

دوسرے نے تلخ تبصرہ کیا، آپ کی پوسٹ نے تو ہمیں اسرائیلی رویوں کی یاد دلا دی۔

امن، خواتین کے حقوق، اور انسانیت کی بات کرنے والی ثانیہ کا یہ انداز بہت سے لوگوں کو دھوکہ سا لگا۔ اذہان، ان کا بیٹا، جس کا نصف وجود پاکستان سے جڑا ہے، اسی رشتے کی وجہ سے پاکستانیوں کے دل میں ثانیہ کے لیے عزت قائم رہی۔ مگر اب، اس رشتے کی بنیاد ہلتی دکھائی دے رہی ہے۔