پاکستانی نوجوان 15 ہزار کلو میٹر سائیکل چلا اپنی جرمن بیوی کو پاکستان لے آیا ۔۔ سائیکل پر اتنا طویل سفر جوڑے نے کیسے طے کیا؟ دیکھیں ویڈیو

سوشل میڈیا پر ایک انوکھا جوڑا سامنے آیا ہے جس کا تعلق جرمنی سے ہے۔ لڑکا پاکستانی ہے جو اپنی انگریز اہلیہ کے ہمراہ سائیکل پر 15 ہزار کلومیٹر کا سفر طے کرکے پاکستان پہنچا۔

اسد نامی پاکستانی لڑکا جو پہلی بار وطن آئے انہوں نے اپنے طویل سفر سے متعلق بات کی۔ جرمن جوڑے نے بتایا کہ انہوں نے 22 ممالک کا سفر طے کیا۔ سائیکل پر سفر کرنے کا مشورہ اسد کی اہلیہ ماریہ نے دیا تھا۔

ماریہ نے بتایا کہ انہیں اردو میں بہت مختصر الفاظ کے بارے میں معلوم ہے جیسا کہ بہت اچھا۔ ماریہ نے بتایا کہ پاکستان ایک بہت اچھا ملک ہے اور یہاں کے لوگ بہت ملنسار اورخیال رکھنے والے لوگ ہیں۔ان کا کہنا تھا کہ پاکستان میں شمالی علاقہ جات بہت پسند ہیں۔

ماریہ نے بتایا کہ انہیں اپنے شوہر کے ہمراہ سائیکل پر سفر طے کرنے کا خیال اچانک آیا۔ ان کا کہنا تھا کہ بچپن سے ہی مجھے سائیکل چلانے کا بہت شوق تھا تو میں نے اپنے شوہر سے کہا کہ پاکستان سائیکل پر چلتے ہیں۔

اسد نے بتایا کہ ہم دونوں کو اس سفر کے دوران نیا تجربہ کرنے کو ملا، ہمیں بہت سے انسان ملے جن کے پاس ہم رکے۔ اسد نے بتایا کہ میڈیا میں دکھایا جاتا ہے کہ دوسرے ممالک جیسے ایران وغیرہ بہت خطرناک ممالک ہیں لیکن ایسا بالکل نہیں ہے۔

اسد کا مزید کہنا تھا کہ وہ اپنی اہلیہ کے ہمراہ سائیکل پر عمرہ ادا کرنے بھی جائیں گے اور دیگر ممالک کا سفر بھی سائیکل پر ہی طے کریں گے۔