جسم میں مستقل درد کام میں رکاوٹ بن سکتا ہے ۔۔ جانیئے کون سے گھریلو طریقے اپنا کر اس درد سے چھٹکارا پایا جا سکتا ہے؟

ہم اپنی روزمرہ کی مصروفیات میں اس قدر مشغول ہوتے ہیں کہ اپنی صحت اور درد وغیرہ کو نظرانداز کر دیتے ہیں لیکن اگر یہی درد بڑھ جائے تو کام کاج میں رکاوٹ کی وجہ بھی بن سکتا ہے۔

جسم میں 2 طرح کے درد ہوتے ہیں یا تو جوڑوں میں یا مسلز میں،آج ہم آپ کو بتانے والے ہیں ماہرین صحت کے بتائے ہوئے چند ایسے طریقے جن کو اپنا کر آپ جسم کے درد سے نجات پا سکتے ہیں۔

جسم کے درد سے نجات پانے کے لئے گھریلو طریقے

• متوازن غذا کا استعمال

متوازن غذا کا مطلب ہے ایسی جس میں پروٹین، وٹامنز، معدنیات، فیٹ، اور کاربوہائیڈریٹ وافر مقدار میں موجود ہوں ساتھ ہی اس بات کو یقینی بنائیں کہ آپ کا کھانا ضروری غذائی اجزاء خاص طور پر وٹامن ڈی سے بھرپور ہو کیونکہ وٹامن ڈی جسم میں کیلشیم اور فاسفورس کی مقدار کو کنٹرول کرنے میں مدد کرتا ہے جبکہ ہڈیوں اور دانتوں کو مضبوط رکھنے اور جوڑوں کے درد کو روکنے کے لیے کیلشیم کی ضرورت ہوتی ہے اس لئے اپنے کھانے پینے میں بھرپور غذائی اجزاء والی چیزوں کا انتخاب کریں اور پروسیسڈ فوڈز سے گریز کریں۔

• وافر مقدار میں پانی کا استعمال

یہ بات ہمیشہ یاد رکھیں کہ متوازن غذا کے ساتھ ساتھ وافر مقدار میں دن بھر پانی پینا صحت کے لئے بےحد ضروری ہے ہمارے جسم کا 90 فیصد حصہ پانی انحصار کرتا ہے اس لئے ہائیڈریٹڈ رہنا بہت ضروری ہے پانی جسم کو صحت مند طریقے سے کام کرنے میں مدد دیتا ہے۔

ہم اپنے جسم سے باقاعدگی سے پسینے اور پیشاب کے ذریعے پانی کھو دیتے ہیں، اور اگر ہم اپنے جسم کو ہائیڈریٹ نہیں رکھتے تو پانی کی کمی ہمارے ٹشوز سے سیال نکالتی ہے جس سے پٹھوں میں درد ہوتا ہے، ماہرین کے مطابق کافی مقدار میں پانی پینے سے جسم سے زہریلے مادے خارج ہوتے ہیں اور پانی جوڑوں کو بھی چکنا (لیوبریکیٹ) کرتا ہے۔

• قدرتی مصالحوں کا استعمال کریں

جب جسم میں درد ہو تو اس بات کو یقینی بنائیں کہ آپ کے کھانوں میں قدرتی مصالحے ہوں، خاص طور پر ادرک، ہلدی، دار چینی اور لہسن، ان تمام مصالحوں میں قدرتی طور پر سوزش دور کرنے کی خصوصیات ہوتی ہیں جو سوجن کو کم کرکے جوڑوں اور پٹھوں کو درد سے نجات دلانے میں مدد کرتی ہیں۔

لہسن کو صبح نہار منہ چبایا جائے، ادرک اور دارچینی کا قہوہ دن میں 2 مرتبہ استعمال کیا جائے کھانوں میں ہلدی کا استعمال یقینی بنایا جائے ساتھ ہی ہری سبزیوں اور دالوں کا استعمال بھی کرنا صحت کے لئے بے حد مفید ہے۔

By Sadia    |    In Health and Fitness   |    0 Comments    |    817 Views    |    24 Sep 2021

Related Articles

Comments/Ask Question

Read Blog about جسم میں مستقل درد کام میں رکاوٹ بن سکتا ہے ۔۔ جانیئے کون سے گھریلو طریقے اپنا کر اس درد سے چھٹکارا پایا جا سکتا ہے؟ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (جسم میں مستقل درد کام میں رکاوٹ بن سکتا ہے ۔۔ جانیئے کون سے گھریلو طریقے اپنا کر اس درد سے چھٹکارا پایا جا سکتا ہے؟) and how to utilize other natural ingredients to cure diseases, easy recipes, and other information related to food from KFoods.