قیصر کے اندر ایک ساس ہے.. بہو کیوں گھبراتی ہے؟ فضیلہ قیصر کا شوہر کے رویے کے بارے میں انکشاف

"ہمارے گھر میں یہ قانون ہے کہ گھر کے معاملات میں دیکھوں گی اور ان میں قیصر دخل اندازی نہیں کریں گے اور باہر کے کام قیصر دیکھیں گے لیکن میں پھر بھی باہر کے کچھ کاموں میں قیصر کو مشورے دیتی ہوں جبکہ قیصر بھی گھر کے کاموں میں بول دیتے ہیں"

یہ کہنا ہے اداکارہ فضیلہ قاضی کا جنھوں نے حال ہی میں ایک پروگرام میں شرکت کرتے ہوئے نجی زندگی سے متعلق دلچسپ گفتگو کی.

فضیلہ کا کہنا تھا کہ میں گھر کے کاموں میں ان کی نہیں سنتی کیوں کہ جب کام کرنے والی خواتین ہوں تو گھر کی بہت دیکھ بھال کرنی پڑتی ہے اور ہر وقت صاف ستھرا رکھنا پڑتا ہے.

"جب آپ کا شوہر ہر چیز کو باریکی سے دیکھنے والا ہو کہ کہاں مٹی ہے اور کہاں نہیں تو بہت خیال رکھنا پڑتا ہے کیونکہ ان سے خود بھی صفائی نہیں ہوتی۔ "میری بہو کے لیے ساس قیصر ہیں، ان کے اندر ایک ساس ہے. مجھ سے بہو کی کافی دوستی ہے لیکن قیصر سے وہ تھوڑا گھبراتی ہے. جب میں باہر گئی تھی تو قیصر کو کھانے کی کافی پریشانی ہوتی تھی، یہ کھاتے کم ہیں لیکن فساد زیادہ ڈالتے ہیں تو میری بہو بیچاری پریشان ہو جاتی تھی اور فون پہ پوچھتی تھی کہ اماں میں کیا پکاؤں جو بابا کو پسند آئے گا.اماں آپ واپس کب آئیں گی؟