پیروں پر سوجن زیادہ دیر بیٹھنے کی وجہ سے ہے یا پھر شوگر کی وجہ سے؟؟ جانئیے چند ایسے گھریلو نسخے جو پاؤں سے کر دے سوجن غائب وہ بھی منٹوں میں

ہم میں سے کئی لوگ روزانہ دفتر میں گھنٹوں پیر لٹکائے کرسی پر بیٹھے بیٹھے کام کرتے ہیں جس کی وجہ سے ہمارے پاؤں پر سوجن چڑھ جاتی ہے یا پھر شوگر اور بلڈ پریشر کے مریضوں کو بھی پیروں میں یا ہاتھوں میں سوجن کا سامنا کرنا پڑتا ہے۔
آج ہم بتانے والے ہیں آپ کو چند ایسے گھریلو نسخے جو آزما کر آپ کچھ ہی گھنٹوں یا منٹوں میں پیروں کی سوجن کو ختم کر سکتے ہیں، آئیے جانتے ہیں وہ کونسے نسخے ہیں۔

پیروں سے سوجن دور کرنے کے لئے آزمودہ گھریلو نسخے

ایپسم نمک

آدھا کپ ایپسم نمک لیں اسے ایک ٹب نیم گرم پانی میں شامل کریں اور آدھے گھنٹے کے لئے اس میں پاؤں ڈبو کر بیٹھ جائیں، روزانہ ایک ہفتے تک اس عمل کو جاری رکھیں سالوں پرانی پاؤں کی سوجن بھی دور یو جائے گی۔

سیب کا سرکہ

سیب کا سرکہ اینٹی سوزش خصوصیات کا حامل ہوتا ہے، ایک ٹب میں نیم گرم پانی لیں اب اس میں 6 سے 8 چمچ سیب کا سرکہ شامل کریں اور دونوں پاؤں ڈبو کر بیٹھ جائیں، ہفتے میں کم سے کم 2 مرتبہ اس عمل کو ضرور دہرائیں۔

پھٹکری کا پانی

ایک ٹب نیم گرم پانی میں پھٹکری اور تھوڑا نمک ملالیں، پھٹکری سوجن کم کرنے اور خون کی سرکولیشن بڑھانے میں مدد کرتی ہے، جس سے آپ کو پیروں اور ایڑھیوں میں راحت محسوس ہوگی ایک ٹب میں گرم پانی لے کر اس میں آدھ کپ پسی ہوئی پھٹکری ملالیں اور اپنے پیر اس پانی میں 20 منٹ تک رکھیں، پھر پانی سے نکال کر خشک کر لیں۔

نمک کی زیادتی سے پرہیز

نمک کی زیادتی کی وجہ سے جسم میں دوران خون کی روانی متاثر ہوتی ہے اور اس سے پیروں اور ایڑھیوں میں سوجن ہونے لگتی ہے۔ پیکجنگ والی غذائیں، کین میں پیک کھانے، پروسیسڈ فوڈ، ساسز، مشروبات اور فاسٹ فوڈ جتنا کم کھائیں گی، اتنی ہی سوجن کم ہوگی گھر کے کھانے میں بھی نمک کا کم سے کم استعمال کریں۔

متحرک رہیں

کوشش کریں کہ مستقل ایک ہی جگہ بیٹھے یا لیٹے نہ رہیں، روزانہ چہل قدمی کریں، اگر مستقل بیٹھنے کا کام بھی کرتے ہیں تو کسی نہ کسی بہانے 10 سے 15 قدم ہر ایک گھنٹے میں ضرور چلیں، روزانہ ورزش کریں، کھانے پینے میں پرہیز کریں۔

By Sadia  |   In Health and Fitness  |   0 Comments   |   1960 Views   |   22 Dec 2021
Related Articles
Top Trending
Comments/Ask Question

Read Blog about پیروں پر سوجن زیادہ دیر بیٹھنے کی وجہ سے ہے یا پھر شوگر کی وجہ سے؟؟ جانئیے چند ایسے گھریلو نسخے جو پاؤں سے کر دے سوجن غائب وہ بھی منٹوں میں and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (پیروں پر سوجن زیادہ دیر بیٹھنے کی وجہ سے ہے یا پھر شوگر کی وجہ سے؟؟ جانئیے چند ایسے گھریلو نسخے جو پاؤں سے کر دے سوجن غائب وہ بھی منٹوں میں ) and how to utilize other natural ingredients to cure diseases, easy recipes, and other information related to food from KFoods.