وزن میں کمی سے لے کر خون کی کمی دور کرنے تک لال لوبیہ کس قدر فائدے مند ہے؟ جانیئے اس کے حیران کُن فوائد اور استعمال کرنے کا صحیح طریقہ

لال لوبیا کو راجما اور انگریزی میں کڈنی بینز کہا جاتا ہے، لوبیا لال ہو یا سفید ان کا شمار دالوں میں کیا جاتا ہے ان میں بےشمار غذائی اجزاء پائے جاتے ہیں، جو بینائی تیاز کرنے، بلڈ پریشر کنٹرول کرنے سے لے کر وزن کم کرنے اور دیگر کئی فوائد حاصل کرنے کے لئے استعمال کی جا سکتی ہے۔

• لال لوبیہ میں موجود غذائیت

لوبیا میں کیلوریز کی مقدار بہت کم ہوتی ہے جبکہ پوٹاشیم، پروٹین، وٹامن اے، فائبر اور آئرن جیسے ضروری غذائی اجزاء موجود ہوتے ہیں، ساتھ ہی اس میں کیلشیئم، فاسفورس، میگنیشم اور سوڈیم بھی موجود ہوتا ہے۔

لال لوبیہ کے حیرت انگیز فوائد

غذائی ماہرین کے مطابق لال لوبیا غذائیت سے بھرپور مفید غذا ہے جس کا روزانہ استعمال کیا جا سکتا ہے۔

• وزن میں کمی

غذائی ماہرین کے مطابق لال لوبیا میں موجود فائبر نظامِ ہاضمہ بہتر بنانے کے ساتھ ساتھ وزن کم کرنے اور بھوک کے احساس کو کم کرنے میں مدد دے سکتا ہے، اگر اس کا روزانہ استعمال کیا جائے تو وزن میں تیزی سی کمی آ سکتی ہے۔

• بینائی میں اضافہ

لال یا سفید لوبیا میں وٹامن اے کی وافر مقدار پائی جاتی ہے جو کہ بینائی میں اضافہ کرنے کے لئے بےحد اہم وٹامن ہے اس کا استعمال آنکھوں کی صحت کے لئے بہترین ہے۔

• خون کی کمی

لوبیا میں آئرن بھی بھرپور مقدار میں پایا جاتا ہے اور آئرن خون میں اضافے کا سبب بنتا ہے لوبیا کو روزانہ کی غذا کا حصہ ضرور بنائیں یہ خون میں آئرن کی سطح بڑھا کر خون کی کمی کو دور کرتی ہے۔

• ہڈیوں کی صحت کے لئے مفید

لوبیا میں موجود کیلشیئم، فاسفورس، پوٹاشیم، میگنیشم، سوڈیم وغیرہ موجود ہوتے ہیں جو کہ ہڈیوں کو مضبوط بنانے اور ہڈیوں کی ہر قسم کی بیماری سے دور رکھنے میں مدد دیتے ہیں۔

• دل کی صحت کے لئے مفید

منفی کولیسٹرول گھٹانا ہو یا ہائی بلڈ پریشر سے فالج اور ہارٹ اٹیک تک کوئی بھی سنگین مسئلہ، لال لوبیا اور سفید لوبیا ان تمام بیماریوں سے دور رکھنے اور دل کو صحت مند بنانے کے لئے بہترین ہے۔

• لوبیا کا طریقہ استعمال

لال لوبیا کو کئی طریقوں سے استعمال کیا جاسکتا ہے بس اس بات کا خیال رکھیں کہ اسے روٹی اور چاول کے ساتھ کم بلکہ بطور سلاد، بطورِ چاٹ اس کا استعمال کریں اور اگر اسے پکانے کے لئے تیل استعمال کریں تو تِل کا تیل یا زیتون کا تیل استعمال کیا جائے تاکہ اس کی غذائیت کے ساتھ ساتھ وزن کم کرنے، کولیسٹرول گھٹانے اور دیگر فوائد حاصل کرنے میں آسانی ہو۔

By Sadia    |    In Health and Fitness   |    0 Comments    |    1321 Views    |    07 Dec 2021

Related Articles

Comments/Ask Question

Read Blog about وزن میں کمی سے لے کر خون کی کمی دور کرنے تک لال لوبیہ کس قدر فائدے مند ہے؟ جانیئے اس کے حیران کُن فوائد اور استعمال کرنے کا صحیح طریقہ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (وزن میں کمی سے لے کر خون کی کمی دور کرنے تک لال لوبیہ کس قدر فائدے مند ہے؟ جانیئے اس کے حیران کُن فوائد اور استعمال کرنے کا صحیح طریقہ) and how to utilize other natural ingredients to cure diseases, easy recipes, and other information related to food from KFoods.