مائیکروویو اوون میں کون سا برتن استعمال کریں؟ اوون استعمال کرنے پہلے یہ اہم باتیں جان لیں، جو آپ کو بڑے نقصان سے بچا سکتی ہیں

مائیکروویو اوون ایک اچھا اور کارآمد الیکٹرانک اپلائنس ہے، جس کی مدد سے گھنٹوں کا کام منٹوں میں ہو جاتا ہے اور وقت بے وقت کھانا گرم کرنے کے لئے بار بار چولہا نہیں جلانا پڑتا، بس کھانا پلیٹ میں رکھ کر اس میں رکھ دیا اور کچھ ہی دیر میں کھانا گرم۔

وقت بچانے اور کام کو آسان کرنے والی سہولت آج کے دور میں سب ہی استعمال کرنا پسند کرتے ہیں، پر کوئی بھی الیکٹرونک مشین استعمال کرنے سے پہلے اسکی پوری معلومات ہونا بھی ضروری ہے۔ تو آئیے آپ کو بتاتے ہیں مائیکروویو میں کون سے برتن میں کھانا گرم کرنا آپ کے لئے صحت مند ہے اور کن برتنوں کو اوون میں رکھنا نقصان دہ۔

کون سا برتن استعمال نہیں کرنا چاہیئے؟

اوون میں ہر گز پلاسٹک کی پلیٹیں یا پلاسٹک کا پیالہ نہ رکھیں کیونکہ پلاسٹک میں ڈائی آکیسژن کیمیکل پایا جاتا ہے جو اوون کی گرمائش سے پگھلنے لگتا ہے اور اس کے بدلے میں پلاسٹک کی پلیٹیں کناروں یا درمیان سے پھولنے لگتی ہیں ان میں بلبلے نکلنے لگتے ہیں۔ جو پیٹ میں مائیکروپلاسٹک کے ذرات پیدا کرنے کی بڑی وجہ بنتا ہے۔

لکڑی اور لوہے کے برتنوں کو بھی ہر گز استعمال نہ کریں، اس سے کھانا تو گرم ہوگا، مگر ممکن ہے کہ اوون کی پلیٹ خراب ہو جائے یا ٹوٹ جائے جس سے کھانا ضائع ہو سکتا ہے۔

کون سا برتن استعمال کرنا چاہیئے؟

شیشے اور سلیکون کے بنے ہوئے برتنوں کا استعمال مائیکرو اوون کے لئے کارآمد برتن ہیں، ان میں پیٹروکیمیکلز اور فینول کے کچھ کم اثر والے ذرات موجود ہوتے ہیں جو کھانے میں کسی قسم کے اضافی کیمیکلز کا اضافہ نہیں کرتے۔

اسٹین لیس اسٹیل یا نان اسٹک برتنوں میں فتھیلیٹس، بس فینول اے شامل ہوتے ہیں، یہ برتن بھی قابل استعمال ہیں، اس لئے مائیکروو اوون کو استعمال کرتے وقت احتیاط برتیں تاکہ بڑے نقصان سے بچ سکیں۔

اوون میں کھانا بنانے یا گرم کرنے کے چند اصول:

۔ پکانے کے دوران کھانے کو کئی بار ہلایا اور اُلٹ پُلٹ کیا جائے۔ تاکہ کیمیکلز ایک جگہ اکھٹا نہ ہوں۔
۔ کھانا ایسے ڈھکن سے ڈھکا ہوا ہو جو مائیکروویو میں استعمال کے لیے محفوظ ہوں یعنی برتن قابلِ استعمال ہوں۔
۔ انڈے کو مائیکروویو میں کم از کم 160 ڈگری فارن ہائٹ ٹیمپریچر پر پکایا جائے، جبکہ اگر آپ بچے ہوئے انڈے کومائیکروویو میں دوبارہ گرم کرنا چاہتے ہیں تو اس کے لیے درجہ حرارت کو کم از کم 165 ڈگری فارن ہائٹ تک رکھیں۔
۔ دوبارہ گرم کی جانےوالی مرغی یا بڑے گوشت کو 165 ڈگری فارن ہائٹ پر گرم کریں۔
۔ بچوں کے دودھ کو اس میں گرم کرنے سے گریز کریں، کیونکہ دودھ میں کیمیکلز جلدی ہی اثر کر جاتے ہیں۔