جھریاں بھی ختم بال بھی گرنا بند۔۔ سستا سدا بہار کا یہ پودا خوبصورتی کو بڑھانے کے لئے کیسے استعمال کریں؟ ڈاکٹر بلقیس نے بتا دیا جادوئی فارمولا

آج کل اکثر مرد و خواتین کے ساتھ یہ مسئلہ کافی عام ہے کہ ان کی جلد میں جھریاں نمایاں ہونے لگتی ہیں اور بال جھڑتے ہیں جس کی وجہ سے ان کی شخصیت پر گہرا اثر پڑتا ہے۔ ایسے میں کیا کیا جائے کہ کیونکہ کافی ٹوٹکے بھی آزما لیے جاتے ہیں مگر یہ مسئلہ اپنی جگہ موجود ہوتا ہے۔ مگر اب مشہور ڈاکٹر بلقیس نے بتا دیا ہے اس کا آسان ترین حل جس کے ذریعے آپ جلد سے جھریوں کا خاتمہ کرسکتے ہیں اور بال گرنے سے روک سکتے ہیں۔ سدا بہار کا پودا پاکستان میں اکثر جگہوں پر پایا جاتا ہے اور یہ باآسانی دستیاب بھی ہوتا ہے۔ اس کی قیمت بھی کافی کم ہوتی ہے اور باآسانی اگایا جاتا ہے۔ یہی وجہ ہے کہ اس کو ہمارے ہاں اتنی اہمیت نہیں دی جاتی کیوں کہ جو چیز عام ملتی ہے لوگ اسے نظر انداز کردیتے ہیں۔ البتہ مہنگائی کے اس دور میں جہاں اب سب ہی سخت پریشان ہیں اس لئے ہم سدا بہار کے پتوں سے چہرے اور بالوں پر لگانے کا ایسا ٹانک بتائیں گے جو آپ کے مسائل دور کرنے کے علاوہ ہزاروں روپے کی بچت بھی کرے گا۔ جھریاں دور کرنے کے لئے ماسک کا استعمال سدا بہار کے پھولوں کی پتیاں لے کر پانی میں ڈال کر بلینڈ کرلیں اور چھان کر نکال لیں۔ اس میں ایلویرا جیل بلینڈ کر کے ملا لیں اور اس آمیزے کو شیشی میں رکھ کر محفوظ کرلیں۔ اس کو سونے سے پہلے جلد پر اور آنکھوں کے گرد لگائیں۔ چند دن میں ہی جھریاں کم ہوجائیں گی اور جلد ٹائٹ ہوجائے گی۔ بالوں کا جھڑنے سے روکنے کے لئے اگر آپ کے بال خشک اور بے جان ہو کر جھڑ رہے ہیں تو سدا بہار کی پتیاں لیں اور انھیں ہلکا سا کیسٹر آئل ڈال کر بلینڈ کرلیں اب اس میں آدھا چمچ پسی ہوئی ہلدی ملا کر دوبارہ بلینڈ کرلیں۔ اس آمیزے کو سر کی جلد میں اچھی طرح لگا کر مساج کریں اور کچھ گھنٹوں بعد دھو لیں۔ بال خوبصورت اور گھنے ہوجائیں گے۔