گلے ملنے آئے جان ابراہم منہ تکتے رہ گئے.. آننت امبانی کے برے رویے پر لوگ افسوس کرنے لگے

اسے دولت کا غرور کہیں یا پھر شادی کی مصروفیات کہ آننت امبانی کو سامنے کھڑے جان ابراہیم دکھائی ہی نہیں دے رہے. دیکھیں

ویڈیو میں دیکھا جاسکتا ہے کہ نئے نویلے دلہا میاں آننت امبانی اپنی شادی کی تقریب میں مہمانوں سے مل رہے ہیں. اسی دوران مشہور ماڈل اور اداکار جان ابراہیم بھی آننت کو گلے لگانے کی کوشش کرتے ہیں جبکہ آننت انھیں بری طرح نظر انداز کرتے ہیں.

جان اس پر بھی ہار نہیں مانتے اور مہمانوں سے ملنے والے آننت کے پیچھے پیچھے چل پڑتے ہیں. اس چند سیکنڈ کی ویڈیو نے سوشل میڈیا صارفین کو افسوس میں مبتلا کردیا ہے. جہاں کچھ لوگ بالی وڈ ستاروں کو پیسے کے لئے اپنی عزت نفس کی قربانی دینے پر تنقید کا نشانہ بنا رہے ہیں وہیں امبانی خاندان کو دولت کے دکھاوے اور مہمانوں سے برے سلوک پر برا بھلا کہا جارہا ہے.

واضح رہے دو بار شاندار پری ویڈنگ تقریبات کے بعد انجام پانے والی آننت امبانی اور رادھیکا کی شادی کے بعد اب امبانی خاندان پوسٹ ویڈنگ یعنی شادی کے بعد کی تقریبات کی ادائیگی کے لئے لندن کا رخ کرچکا ہے.