اگر آپ بھی صبح اُٹھ کر ناشتہ نہیں کرتے تو جان لیں کہ آپ بہت بڑی غلطی کر رہے ہیں۔۔۔ جانیں ناشتہ نہ کرنے کے نقصانات

ناشتہ ہمارے دن کی سب سے پہلی اور سب سے اہم غذا ہے لیکن دنیا بھر میں کئی لوگ ایسے ہیں جنہیں ناشتہ کرنا پسند نہیں ہوتا اور وہ بغیر ناشتے کے ہی اپنے دن کا آغاز کرتے ہیں اور پھر یہ عادت ان کے جسم پر اسے اثرات مرتب کرتی ہے جس کا انہیں اندازہ بھی نہیں ہوتا۔
وہ اثرات کیا ہیں اور کتنے نقصان دہ ثابت ہو سکتے ہیں یہ آج ہم آپ کو بتائیں گے جو جان کر آپ بھی دنگ رہ جائیں گے اور آج سے ہی ناشتہ کرنا شروع کر دیں گے، آیئے تو پھر جان لیتے ہیں وہ کونسے اثرات ہیں تاکہ آپ بھی رہ سکیں اپنی صحت کے بارے میں با خبر۔

ناشتہ نہ کرنے کے اثرات اور نقصانات

• وزن میں اضافہ

اکثر لوگ یہ سوچتے ہیں کہ ناشتہ نہ کرنے سے ان کے وزن میں کمی آ جائے گی اور وہ ناشتہ کرنا چھوڑ دیتے ہیں لیکن یہ بلکل غلط ہے تحقیق کے مطابق موٹاپے کا شکار ہونے کی ایک وجہ صبح کے وقت بھوکا رہنا ہے تو یہ جان لیں کہ تحقیق میں بتایا گیا ہے کہ ناشتہ نہ کرنے کے بعد دن بھر کم کھانا کھانے کے باوجود جسمانی وزن کم ہونے کے بجائے مزید بڑھ سکتا ہے، اس لئے ناشتہ لازمی کریں۔

• مزاج کی خرابی

ناشتہ نہ کرنے کی وجہ سے اکثر افراد چِڑچڑے پن کا شکار بھی ہوتے ہیں اور جو لوگ صبح ناشتے میں کچھ نہیں کھاتے وہ عام لوگوں کی بانسبت ڈپریشن کا زیادہ شکار ہوتے ہیں جبکہ بہت زیادہ دنوں تک ناشتہ نہ کرنے کی وجہ سے ذیابطیس ٹائپ 2 کا خطرہ بھی 55 فیصد تک بڑھ جاتا ہے۔

• تھکاوٹ

جب ہم صبح اُٹھتے ہیں تو ہمارا پیٹ کئی گھنٹوں کا خالی ہوتا ہے جس کی وجہ سے جسم میں طاقت اور توانائی بھی کم ہوتی ہے، اور ناشتہ ہمیں وہ توانائی فراہم کرتا ہے جس کی ہمارے جسم کو ضرورت ہوتی ہے، تاہم ناشتہ نہ کرنے سے انسان تھکا تھکا محسوس کرتا ہے اور اپنے کام بھی بخوبی انجام نہیں دے پاتا۔

• تیزابیت

اگر آپ صبح اُٹھ کر ناشتہ نہیں کرتے تو کچھ ہی دنوں میں آپ کو تیزابیت کی شکایت ہو سکتی ہے، اور وہ لوگ جو پہلے سے ہی معدے کی تیزابیت کی شکایت میں مبتلا ہوں تو ان کی یہ شکایت ناشتہ نہ کرنے کی وجہ سے مزید بڑھ جاتی ہے یوں جلن اور بدہضمی ہوتی رہتی ہے اس لئے ناشتہ ہر گز نہ چھوڑیں۔

• دماغ پر اثر

ناشتہ ہماری دماغی توانائی کو بوسٹ کرتا ہے محقیقین کے مطابق ناشتہ نہ کرنے سے دماغی سرگرمیاں متاثر ہوتی ہیں اور اس سے دماغی صلاحیت پر اثر پڑتا ہے۔

• سر درد

اگر آپ جان کر کھانے سے گریز کریں اور بھوک ہونے کے باوجود کھانا نہ کھائیں تو اس سے آپ کو آدھے سر یا پورے سر میں درد کی شکایت ہو سکتی ہے کیونکہ ناشتہ نہ کرنے اور رات بھر کے خالی پیٹ ہونے کی وجہ سے بلڈ گلوکوز کی سطح میں بہت زیادہ کمی آ جاتی ہے جس کا نتیجہ سر درد یا متلی کی صورت میں نکلتا ہے۔

• نقصان دہ ہارمونز

ناشتہ نہ کرنے کی وجہ سے جسم میں کورٹیسول نامی ہارمون کی مقدار بڑھ جاتی ہے جس کا کام ذہنی تناؤ میں اضافہ کرنا ہوتا ہے اور اس ہارمون کی زیادتی کی وجہ سے آپ ذہنی دباؤ اور چڑچڑاہٹ کا شکار ہوسکتے ہیں۔

• امراضِ قلب

تحقیق کے مطابق اگر کوئی شخص کئی عرصے تک ناشتہ نہ کرے اور اس کو اپنی عادت بنا لے تو اس میں دیگر افراد کی با نسبت امراضِ قلب کا خطرہ 21 فیصد تک بڑھ جاتا ہے اس لئے خود کو کسی خطرے کی طرف نہ ڈالیں بلکہ ناشتے کرنے کی عادت بنائیں اور کوشش کریں کہ صحت بخش ناشتہ کریں۔

By Sadia    |    In Health and Fitness   |    0 Comments    |    2396 Views    |    28 Jun 2021

Comments/Ask Question

Read Blog about اگر آپ بھی صبح اُٹھ کر ناشتہ نہیں کرتے تو جان لیں کہ آپ بہت بڑی غلطی کر رہے ہیں۔۔۔ جانیں ناشتہ نہ کرنے کے نقصانات and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (اگر آپ بھی صبح اُٹھ کر ناشتہ نہیں کرتے تو جان لیں کہ آپ بہت بڑی غلطی کر رہے ہیں۔۔۔ جانیں ناشتہ نہ کرنے کے نقصانات ) and how to utilize other natural ingredients to cure diseases, easy recipes, and other information related to food from KFoods.