موجودہ موسم میں گرم پانی پینے سے جسم میں ہونے والی تبدیلیوں کے لاتعداد فوائد جان کر آپ بھی اس کا استعمال روزانہ لازمی کریں گے

پانی ایک انمول نعمت ہے جس کے بے شمار فوائد ہیں۔ کسی بھی جاندار کے لئے پانی نہایت ضروری ہے۔ طبی ماہرین کے مطابق دن میں اوسطاً 8 گلاس پانی انسانی جسم کے لئے فائدہ مند قرار دیا ہے۔

تاہم ہم میں سے بہت سے لوگ یہ بات نہیں جانتے کہ گرم پانی ان فوائد کو بڑھا بھی سکتا ہے، خاص طور پر صبح اٹھنے کے بعد نہار منہ گرم پانی پینا اور عموماً دن کے کسی بھی حصے میں گرم پانی کا استعمال بے شمار فوائد کا سبب بنتا ہے۔

آئیں جانتے ہیں کہ گرم پانی پینے کے کیا فوائد حاصل ہوتے ہیں۔

1- گرم پانی پینے کا سب سے پہلا فائدہ وزن میں کمی ہے، گرم پانی جسمانی میٹا بولزم کو تیز کرتا ہے جس سے وزن میں کمی ہوتی ہے۔ گرم پانی چربی والے ٹشوز کو توڑنے میں بھی مددگار ہے۔

2- ایک تحقیق کے مطابق گرم پانی پینے سے انسانی جلد چمکدار اور تازہ ہوتی ہے جبکہ جھریاں پڑنے کی رفتار میں کمی واقع ہوجاتی ہے۔اس کے علاوہ اس سے چہرے کی ایکنی میں بھی کافی حد تک کمی آتی ہے۔

3- گرم پانی نزلہ زکام، گلے کی خراشوں اور ناک منہ کی دیگر بیماریوں میں کمی کرتا ہے۔ گرم پانی کے استعمال سے سینے میں جمے بلغم کی شکایت بھی دور ہوتی ہے۔

4- گرم پانی پینے سے نظام انہضام بھی بہتر ہوتا ہے اور پیٹ میں مروڑ یا قبض کی شکایت دور ہوتی ہے۔

5- گرم پانی جلد کی خشکی کو ختم کرتا ہے جس سے نہ صرف جسم بلکہ سر کے بالوں کو بھی فائدہ پہنچتا ہے۔

6- گرم پانی رگوں اور شریانوں میں جا کر ان کی صفائی کرتا ہے جس سے خون کا دورانیہ تیز اور رواں ہوتا ہے، اس سے پورے انسانی جسم اور دماغ کو فائدہ پہنچتا ہے۔

7- گرم پانی کے استعمال سے تنگ کرنے والی جسم کی چربی بھی پگھل جاتی ہے جس کے باعث وزن میں کمی آتی ہے۔