اتنا مہنگا آٹا لائے، لیکن اس میں بھی کیڑے پڑ گئے ۔۔ جانیں گرمیوں میں آٹے کے اندر کیڑے ہونے سے کیسے بچایا جائے؟ آسان طریقہ

آٹے کے کیڑے، جنہیں پینٹری کیڑوں کے نام سے بھی جانا جاتا ہے، باورچی خانے کا ایک اہم مسئلہ ہے۔ یہ کیڑے آپ کے آٹے، اناج، پاستا اور دیگر پینٹری اشیاء کو متاثر کر سکتے ہیں، جس سے ان کا استعمال غیر محفوظ ہو جاتا ہے اور پیسے الگ ضائع ہوجاتے ہیں۔

گرمیوں کے موسم میں ہوا میں نمی کے باعث کیڑے ہونے کے امکانات اور زیادہ بڑھ جاتے ہیں، اسی لیے آٹے کے کیڑوں سے چھٹکارا حاصل کرنے کے لیئے ہم آپ کو بتارہے ہیں ایک زبردست اور آسان طریقہ۔ تو آئیے جانتے ہیں؛

آٹے کو کیڑوں سے بچانے کا طریقہ:

۔ سب سے پہلے تو آپ کو یہ جاننا ضروری ہے کہ، کچن اور کچن میں موجود ڈبوں کی صاف صفائی کا خاص خیال رکھنا چاہیئے کیونکہ گندگی ہی سب سے پہلے کیڑوں کو اپنی طرف کھینچتی ہے پھر چاہے وہ کچن کی ہو یا پھر شیلف میں رکھے ڈبوں کی

۔ جس بھی ڈبے میں آپ آٹا رکھتی ہیں سب سے پہلے اسے اچھے سے دھو لیں، پھر دھوپ میں رکھ دیں تا کہ وہ مکمل طور پر خشک ہوجائے

۔ اسکے بعد ڈبے کو خشک کپڑے سے صاف کر کے اس میں تھوڑے سے تیز پتّے بچھا دیں اور آدھا آٹا ڈال کر دوبارہ تیز پتّوں کی تہہ بچھا دیں، اسی طرح دو تین تہہ لگا کر آٹے کے ڈبے کو اچھے سے ٹائٹ بند کردیں اور کسی خشک جگہ پر رکھیں تا کہ کہیں سے بھی پانی یا نمی اس میں جانے نہ پائے

۔ تیز پتّے کی مہک چونکہ تیز ہوتی ہے اور کیڑوں کو ناگوار لگتی ہے اس لیئے وہ آپ کے آٹے کے ڈبے میں گھس کر اسے خراب نہیں کریں گے اور نہ ہی اس میں نمی پیدا ہونے دیں گے