خود فلاپ ایکٹر ہو کر دوسروں میں کیڑے نکال رہی۔۔ نادیہ خان کی صائمہ اور سجل کی بھونڈے انداز میں نقل کیوں اتاری؟

Nadia Khan Make Fun Of Saima Noor And Sajal Aly Acting

اے آر وائی ڈیجیٹل کا نیا ڈرامہ میں منٹو نہیں ہوں شائقین کے دل جیت چکا ہے۔ خلیل الرحمٰن قمر کی لکھائی، ندیم بیگ کی ہدایت کاری اور ہمایوں سعید کی پروڈکشن میں بنا یہ شاہکار ناظرین کے دلوں پر چھا گیا ہے۔ ہر قسط ریٹنگز کے جھنڈے گاڑ رہی ہے اور ناظرین مسلسل تعریفوں کے پل باندھ رہے ہیں۔

مگر... معاملہ تب دلچسپ موڑ پر آیا جب شو 'کیا ڈرامہ ہے' میں اس ڈرامے پر تبصرہ کیا گیا۔ عتیقہ اوڈھو اور مرینا خان نے متوازن رائے دی، لیکن نادیہ خان نے صائمہ نور اور سجل علی کے ایک سین کا مذاق اڑا دیا۔ نہ صرف مکالمے کی ادائیگی پر تنقید کی بلکہ اس سین کو نقل کر کے مذاق کا رنگ دے دیا۔

یہی وہ لمحہ تھا جب سوشل میڈیا صارفین نے نادیہ خان کو رگڑ دیا۔

ایک صارف نے لکھا، صائمہ جی اپنی کلاس خود ہیں، آپ کون ہوتی ہیں ان پر بات کرنے والی؟ آپ کا کوئی کردار یاد بھی ہے کسی کو؟

دوسرا بولا، یہ خلیل الرحمٰن قمر کا تیسرا ڈرامہ ہے جس پر نادیہ نے تنقید کی ہے، اب تو بات ذاتی لگتی ہے۔

تیسرے کا کہنا تھا، صائمہ جی، سجل اور آصف رضا میر سب لاجواب تھے۔ یہ خواتین ہر اداکار اور مصنف سے ذاتی پرخاش رکھتی ہیں۔ شوبز برادری کو اس بدتمیز شو کی مذمت کرنی چاہیے۔

ایک اور طنز سے بھرپور جملہ سنا گیا، اگر واقعی اتنی سمجھدار ہوتیں، تو ’میں منٹو نہیں ہوں‘ کا حصہ ہوتیں۔

کچھ نے تو سیدھا الزام لگا دیا، حسد اپنے عروج پر ہے۔

تو سوال یہ ہے؛ تنقید کا حق ہے، لیکن جب وہ انا، حسد یا مذاق میں بدل جائے، تو کیا اسے تبصرہ کہنا درست ہوگا؟ فیصلہ اب آپ کا ہے۔