لیموں پانی صرف جلد ہی نہیں جگر اور گردے کے امراض سے بھی بچاتا ہے اور ۔۔۔ گرمی میں لیموں پانی پینے کے کچھ ایسے فائدے جو ڈاکٹر بتاتے ہیں

گرمی میں ٹھنڈا ٹھنڈا مزے دار سا کھٹا میٹھا سا لیموں پانی کسی نعمت سے کم نہیں ہوتا، اس کو پیتے ہی جیسے ساری گرمی بھاگ جاتی ہے اور یوں لگتا ہے کہ جیسے تازگی آگئی ہو۔ جب کبھی باہر سے آئیں اور گھر میں قدم رکھتے ہی ٹھنڈے پانی کی جگہ لیموں پانی کا بھرا ہوا گلاس مل جائے تو ساری تھکان اتر آتی ہے۔ لیکن اسی لیموں پانی پینے کے کچھ اور بھی بے شمار فوائد ہیں جو آج ہم آپ کو کے فوڈز میں بتانے جا رہے ہیں۔

گردے کی پتھری

لیموں پانی ان لوگوں کے لئے بہت فائدے مند ہے جن کے گردوں میں پتھری ہے، کیونکہ اس میں پوٹاشیئم اور سٹرک ایسڈ ہوتے ہیں جو جسم سے بآسانی پتھروں کے اخراج کو آسان بنا دیتے ہیں یوں گردے کی پتھری بنا آپریشن جسم سے خارج ہو جاتی ہے۔

جگر کی خرابی

لیموں پانی میں موجود ایسٹک ایسڈز جگر کی خرابی کو دور کرکے اس کو مضبوط بناتے ہیں اور جسم سے فاضل مادوں کو بھی خارج کرتے ہیں جس سے آپ کا جگر بھی محفوظ رہتا ہے اور ہیپاٹائٹس بھی نہیں ہوتا۔

فالج کا خطرہ

برٹش ہارٹ ایسوسی ایشن کے مطابق: '' جو لوگ بڑی مقدار میں لیموں پانی کا استعمال کرتی ہیں ان میں فالج کا خطرہ کافی حد تک کم ہوجاتا ہے۔''

حاملہ خواتین کے لیے

اس میں موجود فولیٹ وٹامنز حاملہ خواتین کو دورانِ حمل ہونے والی پیچیدگیوں سے بچاتے ہیں اور بچے کی صحت بھی اچھی کرنے میں مدد دیتے ہیں۔

ہاضمہ

یہ پانی ہاضمے کو اچھا کرنے میں مدد دیتا ہے کیونکہ اس میں کاربوہائیڈریٹس ہوتے ہیں جوکہ کھانے کو جلدی ہضم کرنے میں آپ کی مدد کرتے ہیں۔

وزن کم

لیموں پانی آپ کے میٹابولزم کو تیز کرتا ہے جس سے آپ کے وزن میں یقینی حد تک کمی آتی ہے لیکن اس کے لئے آپ کو روزانہ نہارمنہ ایک گلاس لیموں پانی پینا ہوگا مگر خیال رہے کہ اس میں چینی کا استعمال نہ کیا جائے۔

موڈ

اس پانی میں انویگوریٹنگ سینٹ پائے جاتے ہیں جو فوری آپ کے موڈ کو اچھا کرتے ہیں اور ڈپریشن کو دور کرنے میں مددگار ثابت ہوتے ہیں۔

By Urooj    |    In Health and Fitness   |    0 Comments    |    996 Views    |    30 Jul 2021

Comments/Ask Question

Read Blog about لیموں پانی صرف جلد ہی نہیں جگر اور گردے کے امراض سے بھی بچاتا ہے اور ۔۔۔ گرمی میں لیموں پانی پینے کے کچھ ایسے فائدے جو ڈاکٹر بتاتے ہیں and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (لیموں پانی صرف جلد ہی نہیں جگر اور گردے کے امراض سے بھی بچاتا ہے اور ۔۔۔ گرمی میں لیموں پانی پینے کے کچھ ایسے فائدے جو ڈاکٹر بتاتے ہیں) and how to utilize other natural ingredients to cure diseases, easy recipes, and other information related to food from KFoods.