ﺳﺮﺳﻮﮞ سب سے دیکھا بھی ہے سنا بھی ہے اور استعمال بھی کیا ہے کیونکہ صدیوں سے صرف سرسوں کا تیل استعمال کیا جارہا ہے بڑے ہوں یا بچے بالوں میں لگانا ہو یا درد کی شکایت میں، کھانا بنانا ہو یا کسی بیماری کے علاج میں غرضیکہ ہر چیز میں سرسوں کا تیل یاد آتا ہے۔
سرسوں کا تیل ہی کارآمد نہیں اس کے بیج یہاں تک کہ پورا سرسوں کا پودا ہمیں مختلف طریقوں سے فائدہ پہنچاتا ہے۔
خصوصیت:
سرسوں میں بڑی تعداد میں وٹامن ای، فیٹی ایسڈز، الفا لائینولنک ایسڈ، اینٹی بیکٹریل، ﺣﯿﺎﺗﯿﻦ ﺏ، ﮐﯿﻠﺸﯿﺌﻢ، آئرن، ﮔﻨﺪﮬﮏ، اینٹی فنگل، صفر کیلوریز اور بیٹا کیروٹن پایا جاتا ہے جو آپ کی نہ صرف صحت بلکہ خوبصورتی اور نکھار میں کسی مہنگے ٹانک جیسے فوائد دیتا ہے۔
افادیت:
سرسوں کی افادیت اتنی ہے کہ شاید اس کے بارے میں سب کچھ بتانا آسان نہیں لیکن آپ کے لئے ہم یہاں بتا رہے ہیں وہ فوائد جو آپ کے لئے بنیادی طور پر جاننا بہت ضروری ہے:
• بچوں کے پیٹ میں اکثر کیڑے ہوجاتے ہیں جو ان کے اندرونی نظاموں میں بے ربطگی پیدا کرتے ہیں ان سے بچنے کے لئے آپ سرسوں کا استعمال کریں یہ جراثیم کش ہے تمام تر کیڑوں کو باہر نکلنے میں مدد فراہم کرتا ہے۔
• ﺟﺴﻤﺎﻧﯽ ﺧﺎﺭﺵ ﺍﻭﺭ ﮐﮭﺠﻠﯽ ﻣﯿﮟ ﺳﺮﺳﻮﮞ ﮐﺎ ﺗﯿﻞ ﻟﮕﺎﻧﺎ ﻣﻔﯿﺪ ﮨﮯ۔
• قبض کی شکایت میں آپ سرسوں پکا کر کھائیں یا اس کے بیج گرم پانی سے پھانک لیں یہ دونوں طرح آپ کے لئے مفید ہے۔
• پرانی کھانسی، بلغم، نزلہ اور گلے کی خراش کا سستا حل سرسوں کا استعمال ہے۔
• خواتین کو جسم میں ورم، درد اور سوجن کی شکایت زیادہ ہوتی ہے ایسے میں آپ اگر سرسوں کے تیل کی مالش کریں تو یہ فائدہ مند ہے۔
• کان کا درد، کمر درد ہو یا دانت کا درد سرسوں کا استعمال نہ بھولیں۔
• آنکھوں کی تکلیف میں آپ سرمے میں تھوڑا سا سرسوں ڈالیں اور اس کو آنکھوں میں لگالیں یہ راحت دیتا ہے۔
• دبلے لوگوں کے لئے سرسوں کا استعمال زیادہ مفید ہے یہ بھوک بڑھاتا ہے اور جسم کو ضروری حیاتین کی فراہمی کرتا ہے۔
• چھ سے آٹھ مہینے کے بچوں کو اگر سرسوں کے تیل کا استعمال کروایا جائے تو یہ ان کی نشوونما کے لئے بہت اہم سمجھا جاتا یے۔ اس سے ان کی مالش کریں تو پٹھے مضبوط ہوتے ہیں .
• رگیں چڑھنے کی بیماری ہو یا جسم سن ہونے کی سرسوں کی مالش آپ کے لئے مفید ہے۔
• ہاتھ، پائوں کی خشکی اور ایڑھیاں پھٹ جائیں تو بھی یہ آپ کو فائدہ دیتا ہے۔
• ذہنی دباؤ اور نفسیاتی بیماریوں میں سرسوں کا استعمال بہتر ہے۔
• پیٹ میں گیس زیادہ ہوجائے تو اس کو استعمال کرنا نہ بھولیں۔
• ناخنوں سے پھپھوندی (فنگس) کے امراض دور ہوتے ہیں، پھٹے ہونٹ نرم ہوجاتے ہیں۔
• آنکھوں سے پانی آنے اور چھینکوں کی شکایت میں اس کے تیل کی مالش اچھی ہوتی ہے۔
استعمال:
اس کو آپ ویسے تو کسی بھی طرح کرسکتے ہیں مگر زیادہ تر:
• سرسوں کے ساگ کو پکا کر کرتے ہیں۔
• اس کا تیل استعمال کیا جاتا ہے۔
• اس کے بیجوں کو سادے پانی کے ساتھ پھانک لیتے ہیں۔
• سرسوں کا مکھن بھی آپ کی ہڈیوں کے لئے بہت مفید ہے۔
جلد کے لئے:
جلد کی خوبصورتی کے نکھار میں سرسوں کے تیل میں شامل وٹامن ای سب سے زیادہ فائدہ مند ہے۔
• چہرے پر آپ سرسوں کے تیل کو ابٹن اور بیسن میں ملا کر لگائیں آپ کی جلد روشن و چمکدار ہوجائے گی۔
• آئلی جلد کے لئے انڈے کی سفیدی میں مکس کرکے لگائیں یہ آئل کنٹرولنگ کا کام کرتا ہے۔
• خشک جلد کے لئے انڈے کی زردی میں مکس کرکے لگانا خشکی کو کنٹرول کرتا ہے۔
بالوں کے لئے:
بالوں کو لمبا، گھنا اور مضبوط بنانے کے لئے صدیوں سے سرسوں کا تیل استعمال کیا جارہا ہے۔
• انڈے دہی میں سرسوں کا تیل مکس کرکے ہفتے میں ایک بار لگائیں اور خود اپنے بالوں کی نشوونما دیکھیں۔
• پیاز کے پانی میں سرسوں کا تیل اچھی طرح مکس کرکے لگائیں اور خشکی، سکری کے مسائل پر قابو پائیں۔