مرچ کاٹتے وقت جلن ہوتی ہے تو سرسوں کا تیل لگا لیں ۔۔ شیف کی بتائی گئی کچھ ایسی ٹپس جو کھانا بناتے ووت آپ بھی بڑی مشکل آسان کردیں

کھانا بنانے کے لئے خواتین بڑی محنت کرتی ہیں اور اب تو مرد حضرات بھی اتنے مزیدار کھانے بناتے ہیں کہ کھانے والا یہ فرق نہیں کر پاتا کہ کسی مرد نے بھی بنایا ہو۔ بہرحال آج ہم آپ کو کے فوڈز میں بتانے جا رہے ہیں کچھ ایسی کارآمد ٹپس کے بارے میں جو کھانا بنانے میں آپ کی مدد کریں۔

٭ مرچیں کاٹے وقت ہاتھوں کو جلن سے بچانے کے طریقے

• اگر آپ مرچیں کاٹتے وقت ہاتھوں میں اچھی طرح سرسوں کا تیل لگا لیں اور پھر چاہے جتنی بھی مرچیں کاٹیں ہاتھوں میں بلکل جلن نہیں ہو گی۔

• اس کے علاوہ اگر آپ سبزی کاٹنے والی قینچی سے ہری مرچیں کاٹیں تو اس سے بھی آپ کے ہاتھ جلن سے محفوظ رہیں گے۔

• اور سب سے بہتر طریقہ یہ ہے کہ آپ ہوٹل کے شیف کی طرح ہاتھوں میں پلاسٹک کے دستانے پہن کر ہری مرچیں کاٹیں تو اس سے بھی آپ کے ہاتھ محفوظ رہیں گے۔

سالن میں نمک زیادہ ہو جائے تو:

اگر سالن میں نمک زیادہ ہو جائے تو ایک کپڑے میں تھوڑی سی سونف اور ادرک کا ایک ٹکڑا رکھ کر پوٹلی بنائیں اور اس کو سالن میں ڈال دیں اس سے سالن کا نمک جلدی کم ہو جائے گا۔

٭ گوشت:

گوشت کو پکانے سے پہلے ابالیں اور ابالتے وقت اس میں دھنیا اور ہلدی ڈال کر ابالیں تاکہ گوشت کی بو بھی نہ رہے اور کھانے میں ہیک بھی محسوس نہ ہو اور گوشت میں مصالحہ اندر تک پہنچ جائے۔