یاسر شامی کے گھر ننھے مہمان کی آمد۔۔ بچے کا نام کیا رکھا؟ جانیں خوبصورت معنیٰ

Yasir Shami Blessed With A Baby Boy

یاسر شامی ایک ایسا نام ہے جو دلوں کو چھو لینے والے سوال کرتا ہے، اور اب اُس کے اپنے دل کو چھو لینے والی ایک بڑی خبر سامنے آئی ہے۔

انسٹاگرام پر شیئر کی گئی تصویر میں یاسر اپنی اہلیہ اور نومولود بیٹے کے ساتھ لیبر روم میں خوشی سے جگمگاتے نظر آئے۔

پوسٹ کے کیپشن میں انہوں نے جذبات کو سادگی سے سمیٹتے ہوئے بتایا، الحمدللہ! ہمارے ہاں دوسرے بیٹے کی آمد ہوئی ہے، جس کا نام ہم نے ’اوحد یاسر شامی‘ رکھا ہے۔

یاسر نے بیٹے کا نام اوحد یاسر شامی رکھا ہے جو عربی نام ہے اور اس کے معنیٰ بے مثل، منفرد اور بے نظیر کے ہیں۔ اس نام کا لکی نمبر 7 ہے۔

یاسر نے نہ صرف نئے مہمان کی آمد کا ذکر کیا، بلکہ اہلیہ اور بچے کی خیریت بھی شیئر کی، اور اس پورے سفر میں ساتھ دینے والی ڈاکٹر طیبہ وسیم اور ٹیم کا بھی شکریہ ادا کیا۔

انہوں نے لکھا کہ، یہ لمحہ ان کے لیے بے حد خاص ہے، اور وہ رب کے شکر گزار ہیں جس نے ان کے گھر محبت، رحمت اور خوشی کے رنگ بکھیر دیے۔

ایسا لگتا ہے جیسے یاسر شامی کی زندگی میں ایک نئی کہانی، نیا جذبہ اور نئی روشنی شامل ہو گئی ہے۔