یہ پھر آگیا اپنا سڑا ہوا منہ لے کر۔۔ احسن خان کی جاوید اختر اور شبانہ اعظمی سے ملاقات! سوشل میڈیا پر ہنگامہ

Ahsan Khan Meets Javed Akhtar And Shabana Azmi Faces Backlash

احسن خان کی حال ہی میں ایک ایسی ملاقات خبروں کی زینت بن گئی جو جذباتی اور سیاسی سطح پر خاصی حساس تھی۔

برطانیہ میں ایک تقریب کے دوران احسن خان کی ملاقات بھارتی فلمی شخصیات جاوید اختر اور شبانہ اعظمی سے ہوئی۔ یہ وہی جاوید اختر ہیں جنہوں نے کچھ عرصہ قبل پاکستان کے خلاف زہر اگلتے ہوئے نہایت نامناسب الفاظ استعمال کیے تھے، جس پر پاکستانیوں کی بڑی تعداد نے سخت ردِعمل دیا تھا۔

مگر اس بار منظر کچھ مختلف تھا—تقریب میں احسن خان، جاوید اختر اور شبانہ اعظمی ایک ساتھ موجود تھے، جس نے انٹرنیٹ پر آگ لگا دی۔

احسن خان کا پیغام: آئیے امن کی بات کریں!

تقریب میں احسن خان نے کھل کر امن اور بھائی چارے کی بات کی۔ ان کا کہنا تھا، ہم سب کو امن کی راہ اپنانی چاہیے، دشمنی میں کچھ نہیں رکھا۔ مل بیٹھ کر بات کرنا ہی اصل راستہ ہے۔

احسن خان نے نفرت کے ماحول میں محبت کی بات کی، مگر سوشل میڈیا نے اس ملاپ کو مختلف زاویوں سے دیکھا۔

انٹرنیٹ پر عوام کی ملی جلی رائے

ایک صارف نے غصے میں کہا، یہ (جاوید اختر) پھر آگیا اپنا منحوس منہ لے کر!

تو ایک صارف نے تنقید کرتے ہوئے کہا، جاوید اختر تو لگ رہا جیسے رُسی ہوئی پھپھو بنے بیٹھے ہیں۔

دوسرے نے احسن خان کی طنزیہ تعریف کرتے ہوئے کہا، سلام ہے احسن کو، جو ایسے بندے کے سامنے کھڑے ہو کر امن کی بات کر گیا۔

ایک اور دلچسپ تبصرہ آیا، احسن خان تو امن کی بات کر رہا ہے، مگر جاوید اختر شاید دل ہی دل میں پاکستان کے خلاف تقریر کی ریہرسل کر رہا ہو۔

احسن خان نے ایک مشکل موقع پر امن کا پرچم بلند کیا، مگر کیا ایسی ملاقاتیں اصولوں پر سمجھوتہ ہیں یا مستقبل کے بہتر تعلقات کی طرف پہلا قدم؟

یہ سوال سوشل میڈیا پر اب بھی گردش کر رہا ہے۔