دلہن کے جوتے کے نیچے بھی نام لکھتے ہیں اور نمک کی چائے پلاتے ہیں.. ترکی کی روایتی شادیوں کے عجیب و غریب رواج

دنیا کے ہر ملک کی طرح ترکی میں بھی شادی کے کچھ انوکھے رواج ہیں جو دیکھنے والوں کو حیران کر دیتے ہیں۔ آج ہم اپنے آرٹیکل میں ترکی میں شادی کے موقع پر ہونے والے ایسے رسم و رواج کے بارے میں بات کریں گے جنھیں جان کر ہمارے قارئین حیران رہ جائیں گے۔

سرخ بیلٹ

شادی کے دن دلہن کا بھائی یا خاندان کا کوئی قریبی مرد رشتے دار دلہن کی کمر پر سرخ رنگ کی ایک بیلٹ باندھتا ہے۔ جس کے بعد دلہن گھر کے تمام افراد کو باری باری الوداع کرتی ہے۔

دلہن کے بھائی جہیز پر کیوں بیٹھ جاتے ہیں؟

جس وقت دلہن کو اپنے والدین کے گھر سے رخصت ہونا ہوتا ہے اس وقت دلہن کے بھائی رکھے گئے جہیز کے اوپر بیٹھ جاتے ہیں۔ یہ ایک طرح سے ہمارے ہاں ہونے والی جوتا چھپائی کی رسم کی طرح ہے۔ اس کے بعد دولہا کے گھر والے دلہن کے بھائیوں کو نیگ دیتے ہیں جس کے بعد وہ اپنی بہن کو رخصت کرتے ہیں

نمک والی چائے

جب دلہا والے دلہن کے گھر بارات لے کر پہنچتے ہیں تو ان کی خاطر تواضع مزیدار کافی سے کی جاتی ہے سوائے دلہا کے کیونکہ دلہا کو اس کی دلہن خود کافی پیش کرتی ہے جس میں چینی کے بجائے نمک ملایا جاتا ہے اور دلہا کو وہ نمکین کافی چہرے پر کسی قسم کے تاثرات لائے بغیر پینی ہوتی ہے۔ رواج کے مطابق یہ دلہا کی جانب سے محبت کی علامت ہے۔

پیر پر پیر مارنا

شادی کے بعد دلہا دلہن ایک دوسرے کے پیر کے اوپر پیر مار کر اپنا غلبہ جتانے کی کوشش کرتے ہیں۔ جو زیادہ تیزی سے پیر کے اوپر پیر مارے گا شادی میں وہی غالب رہے گا۔

دلہن جوتے پر کس کا نام لکھتی ہے؟

شادی سے پہلے دلہن اپنے جوتوں کے نیچے اپنی غیر شادی شدہ سہیلیوں اور بہنوں کا نام لکھتی ہے۔ دلہن کے بجائے اس کی سہیلیاں بھی اپنا نام لکھ سکتی ہیں۔ جس لڑکی کا نام سب سے پہلے مٹتا ہے رواج کے مطابق مانا جاتا ہے کہ اگلی شادی اسی کی ہوگی۔

By Khush Bakht  |   In News  |   0 Comments   |   1319 Views   |   04 Nov 2022
Related Articles
Top Trending
Comments/Ask Question

Read Blog about دلہن کے جوتے کے نیچے بھی نام لکھتے ہیں اور نمک کی چائے پلاتے ہیں.. ترکی کی روایتی شادیوں کے عجیب و غریب رواج and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (دلہن کے جوتے کے نیچے بھی نام لکھتے ہیں اور نمک کی چائے پلاتے ہیں.. ترکی کی روایتی شادیوں کے عجیب و غریب رواج) and how to utilize other natural ingredients to cure diseases, easy recipes, and other information related to food from KFoods.