شادی سے پہلے برا انسان تھا۔۔ معاذ صفدر کا پہلے غلط عادتوں میں مبتلا ہونے کا اعتراف ! جلدی شادی کی وجہ بھی بتا دی

Maaz Safder on How Marriage Transformed Him

"میں پہلے اچھا انسان نہیں تھا، میرے دوست بھی اس بات کے گواہ ہیں۔ لیکن شادی نے مجھے بدل دیا!" – یہ الفاظ ہیں پاکستان کے معروف یوٹیوبر معاذ صفدر کے، جنہوں نے حالیہ پوڈکاسٹ میں اپنی زندگی کے سب سے بڑے اور مثبت موڑ کا ذکر کیا۔

ڈیجیٹل دنیا کے مشہور انفلوئنسر اور بزنس مین، معاذ صفدر وہ نام ہیں جو ٹک ٹاک سے یوٹیوب پر چھا گئے۔ آج ان کے انسٹاگرام پر 2 ملین فالوورز اور یوٹیوب پر تقریباً 4.48 ملین سبسکرائبرز ہیں۔ ان کے ڈیلی وی لاگز میں مداحوں کو زندگی کے منفرد تجربات اور روزمرہ کی جھلکیاں دیکھنے کو ملتی ہیں۔

معاذ صفدر نے اپنی کم عمری میں شادی کا فیصلہ کیوں کیا؟ اس پر انہوں نے صاف گوئی سے کہا،

"میں نے جلدی شادی اس لیے کی تاکہ اپنی غلطیوں کو پیچھے چھوڑ سکوں۔ شادی کے بعد انسان اپنی ذمہ داریوں کو بہتر طریقے سے سمجھتا ہے اور اس سے زندگی میں نکھار آتا ہے۔ پہلے کئی غلط عادتوں میں مبتلا تھا“

"شادی صرف ایک رشتہ نہیں بلکہ ایک دوسرے کو خوش رکھنے کا وعدہ ہے!" معاذ صفدر نے واضح کیا کہ "محض شادی کرنا کافی نہیں، بلکہ اپنے شریکِ حیات کو خوش اور مطمئن رکھنا بھی اتنا ہی ضروری ہے۔"

انہوں نے کم عمری میں مالی طور پر مضبوط ہونے کی اہمیت پر بھی زور دیا اور کہا،

"آپ کو اپنے جیون ساتھی کو بہتر زندگی دینے کے لیے خود کو معاشی طور پر مضبوط بنانا ہوگا، تاکہ ایک خوشحال زندگی گزار سکیں!"

معاذ صفدر کے اس بیان کو سوشل میڈیا پر خوب پذیرائی مل رہی ہے۔ ان کے مداحوں کا کہنا ہے کہ "یہی سوچ ہونی چاہیے! شادی کو ذمہ داری سمجھنا اور خود کو بہتر بنانا ہی کامیاب زندگی کا راز ہے!"

یہ انکشاف نہ صرف ان کے مداحوں کے لیے حوصلہ افزا ثابت ہوا بلکہ نوجوانوں کے لیے ایک مثالی پیغام بھی ہے کہ زندگی میں بہتری اور توازن کے لیے ذمہ داری قبول کرنا ضروری ہے!