کہیں آپ بھی ڈپریشن کے مریض تو نہیں بن رہے،اگر آپ میں یہ علامات موجود ہیں تو فوری طور پر اپنا علاج کروائیے۔۔۔

موجودہ دورمیں ڈپریشن ایک عام مرض بن چکا ہے جس کے بارے میں آگاہی نہ ہونے کے برابر ہے، اقوام متحدہ کی رپورٹ کے مطابق ہر 3 میں سے ایک شخص ڈپریشن کا شکار ہے۔ ویسے تو ڈپریشن کی چند مخصوص علامات ہوتی ہیں جو اکثر افراد پہچاننے سے قاصر رہتے ہیں یا پھر اس بات کو سمجھنا نہیں چاہتے کہ ہم کسی بیماری کا شکار ہیں،جس کی وجہ سے وہ زیادہ سنگین نوعیت کے عوارض کا شکار ہوجاتے ہیں۔
مگرڈپریشن کی کچھ ایسی علامات بھی ہوتی ہیں جن کے عام ہونے کے باوجود لوگ انہیں نظرانداز کردیتے ہیں، ان علامات کو جاننا یقیناً آپ کے لیے فائدہ مند ثابت ہوگا۔

شاپنگ کا جنون۔۔

اگر چیزوں کی خریداری آپ کے کنٹرول میں نہ رہے اور آپ ضرورت سے زیادہ خرچہ کرنے لگیں تو یہ جان لیں کہ آپ ڈپریشن کے مرض کی طرف جا رہے ہیں۔ اکثر لوگ اپنی فرسٹریشن زیادہ شاپنگ کر کے نکالتے ہیں۔

زیادہ بھولنے کی عادت ۔۔

بھولنے کی ایک وجہ ڈپریشن بھی ہوسکتا ہے، تحقیقی رپورٹس سے ثابت ہوا ہے کہ ڈپریشن یا تناؤ کا تسلسل، جسم میں ایک ہارمون کورٹیسول کی سطح میں اضافہ کرتا ہے۔ ایسا ہونے سے دماغ کا وہ حصہ سکڑتا یا کمزور ہوجاتا ہے جو یادداشت اور سیکھنے سے منسلک ہوتا ہے۔

انٹرنیٹ کا بےدریغ استعمال۔۔

انٹرنیٹ کا بہت زیادہ استعمال بھی ڈپریشن کی علامت ہوسکتی ہے، تحقیقی رپورٹس کے مطابق بہت زیادہ ڈپریشن اور انٹرنیٹ کے بہت زیادہ استعمال کے درمیان تعلق موجود ہے۔

کمرکا مستقل درد۔۔

تحقیقی رپورٹس میں ثابت ہوا ہے کہ ڈپریشن سے کمر کےنچلے حصے میں دائمی درد کا خطرہ بڑھ جاتا ہے، ایک تحقیق سے یہ نتیجہ سامنے آیا کہ دائمی کمر درد کے شکار 42 فیصد افراد کو اس تکلیف کے آغازسے قبل ڈپریشن کا سامنا تھا۔

جذباتی اتار چڑھاؤ۔۔۔

ڈپریشن کے شکار افراد اکثر بہت کم جذبات کا مظاہرہ کرتے ہیں، مگر جب کرتے ہیں توانتہا پر جاکر کرتے ہیں، وہ اچانک چڑچڑے یا مشتعل ہوجاتے ہیں، ان کی جانب سے اداسی، ناامیدی، فکر یا ڈر جیسے جذبات بہت زیادہ بڑھ جاتے ہیں۔

اپنی فکر چھوڑدینا۔۔۔

ایسے افراد جو اپنے بارے میں لاپرواہ ہوجاتے ہیں یا اپنی فکر کرنا چھوڑ دیتے ہیں، یہ بھی ڈپریشن اور خود اعتمادی کی کمی کی نشانی ہوسکتی ہے۔ ایسے افراد میں مختلف نشانیاں جیسے دانتوں کو برش نہ کرنا، امتحانات کو چھوڑ دینا یا کسی بیماری کا علاج نہ کروانا شامل ہیں ۔
ڈپریشن کےعلاج کے بعد ان کی صورتحال بہتر ہوجاتی ہے۔