میری اصل میں 4 بیٹیاں ہیں جن پر مجھے فخر ہے ۔۔اداکار محمد احمد کی بیٹیاں کیا کرتی ہیں؟ جانئیے ان کی زندگی سے متعلق دلچسپ باتیں

پاکستانی شوبز انڈسٹری کےسینئر اداکار سید محمد احمد جنہیں آپ سب ڈراموں میں والد کے کردار نبھاتے دیکھتے ہیں، وہ اصل حقیقی زندگی میں بھی ایک ذمہ دار باپ اور باصلاحیت شخصیت کے مالک ہیں۔ ان کی جاندار اداکاری سے لوگ واقف ہوں گے جو جذباتی طرز کے کردار بخوبی کرتے ہیں۔ محمد احمد چار بیٹیوں کے باپ ہیں اور ان سب کی شادیاں ہوچکی ہیں۔
اداکار کی زندگی سے متعلق چند باتیں جانتے ہیں جو ان کے مداحوں کو معلوم نہیں ہوں گی۔

سید محمد احمد اداکاری کے علاوہ اسکرین رائٹر، گیت نگار اور ہدایت کار کے فرائض بھی انجام دیتے ہیں۔ انہوں نے سن 1980 میں اپنے کیریئر کا آغاز کیا۔ وہ 8 مارچ 1957 کو کراچی میں پیدا ہوئے۔ 2022 تک ان کی عمر 65 برس ہوچکی ہے۔

رواں سال ان کی بڑی بیٹی عروج احمد رشتہ ازدواج میں منسلک ہوئیں۔ اداکاری کے علاوہ انہوں نے پندرہ سے زائد ڈراموں کی کہانیاں بھی تحریر کیں۔ علاوہ ازیں انہوں نے 7 سے زائد پاکستانی فلموں میں کام کیا۔

سید محمد احمد اِن دنوں مشہور ڈرامے بیٹیاں میں اداکاری کے جوہر دکھا رہے ہیں جو لوگوں کی جانب سے بہت پسند کیا جا رہا ہے۔ ڈرامے کی کہانی کے مطابق محمد احمد اپنی بیٹیوں کی اکیلے پرورش کرکے انہیں بڑا کرتے ہیں اور ان کا خیال رکھتے ہیں۔

اسی طرح حقیقی زندگی میں بھی انہوں نے اپنی بیٹیوں کی پرورش کی اور انہیں پڑھایا لکھایا۔ وہ کئی انٹرویوز میں اپنی بیٹیوں کا تذکرہ کر چکے ہیں۔

ایک انٹرویو میں محمد احمد نے اپنی بیٹیوں سے متعلق بتایا کہ میری بیٹی لکھنے میں بہت دلچسپی رکھتی ہے۔ وہ بہت اچھا گانا بھی گاتی ہے۔ انہوں نے بتایا کہ میری بیٹی نے ایک پلے کیا تھا اس کے بعد اس نے اپنے کانوں کو ہاتھ لگا لئے تھے۔

بی بی سی کو انٹرویو میں محمد احمد نے بیٹیوں سے متعلق کہا تھا کہ اگر میں بیٹیوں کا باپ نہیں ہوتا تو شاید وہ بات اسکرین پر بھی نظر نہ آتی۔ میری اور میری اہلیہ کی ہمیشہ یہی کوشش رہی ہے کہ وہ اچھی جگہوں پر تعلیم حاصل کریں۔

محمد احمد جس طرح ڈرامہ سیریلز میں اپنی بیٹیوں سے محبت کرتے اور ان کا خیال رکھتے دکھائی دیتے ہیں حقیقی زندگی میں بھی وہ ایک رحم دل باپ ہیں جنہوں نے اپنی بیٹیوں کو اچھی تعلیم و تربیت دلوا کر ان کی شادیاں کیں۔