لوگ کہتے تھے بیٹی کی شادی کرو لیکن میرے باپ نے مجھے پڑھایا۔۔ بچپن میں باپ کی غربت سے شرمندہ رہنے والی لڑکی کی ایسی کہانی جس نے لوگوں کو حیران کردیا

“چھوٹی تھی تو اپنے والد کی غربت پر شرمندگی ہوتی تھی۔ میرے والد لوگوں کے گھر کے چولہے اور پریشر ککر وغیرہ ٹھیک کرتے تھے۔ اسکول میں بچے مجھے تنگ کرنے کے لئے پوچھتے تھے کہ تمھارے والد کیا کرتے ہیں تو میں جھوٹ بولتی تھی کہ میرے ابا ایک بزنس مین ہیں اور امی ٹیلر ہیں۔ جب سب مذاق اڑاتے تو میں روتے ہوئے گھر چلی جاتی تھی“

یہ کہنا ہے بھارت کی ریاست سے تعلق رکھنے والے پراچی ٹھاکر کا۔ پراچی نے ایک ایسے غریب گھر میں آنکھ کھولی جہاں انھیں کئی کئی دن پیاز، چٹنی اور روٹی کھا کر گزارا کرا پڑتا تھا۔ پراچی بچپن میں اپنے والد سے روتے ہوئے کہتی تھیں کہ آپ کیوں دوسرے بچوں کے باپوں کی طرح صاف ستھرے کپڑے پہن کر آفس نہیں جاتے؟ اس بات کے جواب میں پراچی کے والد بیٹی کے آنسو پونچھتے ہوئے کہتے تھے کہ بیٹا پیسہ ہی سب کچھ نہیں ہوتا۔

دن گزرتے گئے پراچی کو والد کی قدر کا احساس تب ہوا جب وہ میٹرک میں تھیں اور ان کے ساتھ کی سب لڑکیوں کی شادی ہوگئی۔ محلے والے اور رشتے دار ان کے والد سے کہتے تھے کہ لڑکی کی تعلیم پر کیوں پیسہ ضائع کررہے ہو۔ جلدی شادی کردو یہاں تک کہ جب پراچی کے والد نے بیٹی کو پڑھنے کے لئے شہر بھیجا تب لوگوں نے طعنہ دیا کہ لڑکی گھر سے بھاگ گئی ہے۔ لیکن پراچی کے والد نے اس طعنے پر بھی بیٹی کا ساتھ دیا۔

پراچی کہتی ہیں کہ جب میں نے دیکھا کہ میرا باپ غریب ہونے کے باوجود میرے جہیز کے لئے پیسے جمع کرنے کے باوجود میری تعلیم اور خوابوں کو پورا کرنے کے لئے محنت کررہا ہے تب میں نے اپنا پھٹا یونیفارم اور پرانی کتابیں خوشی خوشی استعمال کرنا شروع کردیا۔

بالآخر باپ بیٹی کی محنت اور صبر رنگ لایا اور آج پراچی پی ایچ ڈی ہیں اور ٹیڈ ایکس پر موٹیویشنل لیکچر دیتی ہیں۔ ان کا کہنا ہے کہ ان کی کامیابی کا سہرے صرف ان کے والد کو جاتا ہے۔

By Khush Bakht  |   In News  |   0 Comments   |   9502 Views   |   31 Oct 2022
Related Articles
Top Trending
Comments/Ask Question

Read Blog about لوگ کہتے تھے بیٹی کی شادی کرو لیکن میرے باپ نے مجھے پڑھایا۔۔ بچپن میں باپ کی غربت سے شرمندہ رہنے والی لڑکی کی ایسی کہانی جس نے لوگوں کو حیران کردیا and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (لوگ کہتے تھے بیٹی کی شادی کرو لیکن میرے باپ نے مجھے پڑھایا۔۔ بچپن میں باپ کی غربت سے شرمندہ رہنے والی لڑکی کی ایسی کہانی جس نے لوگوں کو حیران کردیا) and how to utilize other natural ingredients to cure diseases, easy recipes, and other information related to food from KFoods.