جولائی میں پیدا ہونے والوں کی وہ خاص بات، جو کسی اور میں نہیں ۔۔ جانیئے اپنے ستارے کے بارے میں دلچسپ معلومات

عام طور پر ایک مہینے میں پیدا ہونے والوں کی عادتوں اور طور طریقوں میں مماثلت پائی جاتی ہے جو انہیں دوسرے مہینوں میں پیدا ہونے والوں سے الگ بناتی ہے خاص کر ان لوگوں میں بہت یکسانیت دیکھی گئی ہے جو ایک ہی ستارے میں پیدا ہوتے ہیں۔

اب چونکہ جولائی کا مہینہ شروع ہوگیا ہے تو اس میں پیدا ہونے والوں کے حوالے سے آپ کو کچھ دلچسپ معلومات فراہم کرتے ہیں، جو انہیں دوسرے ستاروں میں پیدا ہونے والوں سے مختلف بتاتی ہے۔

شخصیت:

جولائی کے آغاز میں پیدا ہونے والوں کا ستارہ 'سرطان' جبکہ آخر میں پیدا ہونے والوں کا ستارہ 'اسد' ہوتا ہے، جو مضبوط شخصیت کی علامت سمجھا جاتا ہے۔ ماہرین بتاتے ہیں کہ جولائی میں پیدا ہونے والے کافی خوش مزاج ہوتے ہیں اور ان کے اخلاق سے لوگ کافی متاثر بھی ہوجاتے ہیں۔

جولائی والوں کی خاص بات جو انہیں مختلف بناتی ہے:-

مثبت سوچ:

یہ افراد انتہائی مثبت سوچ اور انرجی کے حامل ہوتے ہیں، ان کی کوشش ہوتی ہے کہ منفی باتوں سے دور رہا جائے۔ یہ مشکل حالات میں بھی مسائل کا حل تلاش کرنے کی کوشش میں لگے رہتے ہیں اور یہ اپنے ارد گرد کام کرنے والوں کے لیے اچھا ماحول فراہم کرتے ہیں۔

کُھلے دل کے مالک ہوتے ہیں:

جولائی میں پیدا ہونے والوں کے بہت دوست ہوتے ہیں جس کی وجہ ان کی شخصیت ہے، یہ سخی ہوتے ہیں اور کبھی کسی کی مدد کے لیے انکار نہیں کرتے، ان لوگوں کے پاس تقریباً ہر مسئلے کا حل ہوتا ہے، یہ نرم دل ہوتے ہیں۔

فوکس ہوتے ہیں:

جولائی والے افراد ہر کام فوکس ہو کر پورے دھیان کے ساتھ کرتے ہیں۔ انہیں اپنا کام، فیملی اور دوسری سرگرمیوں میں توازن برقرار رکھنا بہت اچھا آتا ہے۔ ہر کسی کو ساتھ لے کر چلتے ہیں۔

خود پر قابو رکھتے ہیں:

کئی بار ایسی صورتحال آتی ہے جس میں انسان کا خود پر قابو نہیں رہتا اور وہ آپے سے باہر ہوجاتا ہے، زیادہ تر ایسا بحث اور لڑائی جھگڑوں میں ہوتا ہے۔ لیکن جولائی والوں کی یہ خاص بات ہے کہ ان کا اپنے اوپر بہترین کنٹرول ہوتا ہے اور یہ سمجھ داری کی نشانی ہے۔ اور نہ صرف غصے میں بلکہ عام طور پر بھی اپنے جذبات اور احساسات پر قابو رکھنا بہت اچھی طرح جانتے ہیں۔